بسم الله الرحمن الرحيم
السلام عليكم ورحمة الله وتعالى ازيكم يا فتوكات
طبعا دخلنا كلنا على اجازه الصيف الكبير والصغير مننا
بدايه كل سنه وانتى طيبه يا فتوكه
انا كنت حابه اسألك سؤال بسيط با كل فتوكه وزنها زايد يا ترى هل انتى راضيه عن شكلك
انا شخصيا اقر واعترف ان شكل جسمى يحتاج لتعديل
وانتى
ايوه انتى متبصيش شمال ويمين انا بكلمك انتى
اكيد طبعا مش راضيه عن شكلك ودا لسان حالنا كلنا
عشان كده يا فتوكات لازم ناخد قرار يا ريت كلنا ناخد القرار المناسب فى الوقت المناسب
ايه القرار ده
طبعا مش محتاجه فكاكه
لااااااااااااااااااااازم اخس
طيب حيلك حيلك مانا طول عمرى عارفه انى لازم الاخس
مش هى دى المشكله امال ايه المشكله
المشكله هى ازاااااااااى اخس
بدايه عشان تخسى يا فتوكه لازم تنفذى عده مبادئ
ايه هى
1- الالتزام
2-وجود تشجيع
3-الاراده ودى حطى تحتيها 500 خط
4-التحدى لان طبيعة النفس البشريه مياله للتحدى
5-حطى هدف اقدااااااااااااامك
وبكده نكون وصلنا لمرحله التخطيط
–*نيجى للاهم من التخطيط التنفيذ
احنا ان شاء الله هنعمل جروب والجروب هيتكون من فريقين كل فريق يكون فيه عدد مساوى للفريق التانى يعنى الاول مثلا 7 يبقى التانى 7
ان شاء الله انا هكون قائده لقريق واحد المشتركات قائده لفريق الاخر ويتم التوزيع للفريق بالنسبه للوزن
طيب احنا لسه مقولناش هنمشى على نظام ايه
بصى يا فتوكه انا جربت ريجيمات كتيره اخس وبعدين برجع تانى
عشان كده احنا مش هنمشى على ريجيم محدد
ايه؟؟؟؟؟؟؟
ايوه متستغربيش احنا هناكل من اكل البيت بس مش معنى ده انى اكل فراخ وبطاطس وعيش ورز وابقى اسمى عايزه اخس كل شئ بحدود اوكى يا قمرات
الفتوكات الراغبات فى الاشتراك يشترط كتابه
1- الاسم
2- الوزن
3- الطول
4- الهدف الاول بس يكون معقول يعنى مش وزنك 90 وعايزه توصلى ستين فى شهر
5- ان السن ميقلش عن 17 سنه عشان الاطفال ميتضروش
الوزن هيكون اول الاسبوع والاسبوع فى يوم فرى ولازم ممارسه الرياضه كل يوم وشرب كميه هائله من الميه طبعا مش هوصيكم فى الحر ده
الجروب هيبدا ان شاء الله من بكره وهنتجمع بالليل عشان نكتب التقارير
الرجاء الاشتراك للجادات فقط
رجاء التقييم عشان الموضوع يثبت
عم قول يا رب عم قول يا رب فتكات متميزة Fatakat 705269 اسيوط – مصر ام الدنيا