بسم الله الرحمن الرحيم
النهارده جبت لكم وصفه من مطبخى طعماها يا سلام جنان بس للعلم هى مززه يعنى حدقه شوية
طبعا كلكم عرفين اللفت اللى بيتعمل مخلل ده كان زمان لكن دلوقتى بيتعمل محشى مش هطول عليكم بس جربوه جمييييييييييييييييييييييييييييل شويه عليه
نبدا بسم الله
احنا بنجيب زى 15 وحدة لفت ونقشرها وناورها زى البطاطس المحشيه سهله ما تخفوش المهم نقى اللفت المتوسط الحجم زى البرتقالة فى حجمها وبعدين تحشيها بالحشوه ديه
مقاديرالحشــو
كيلو ارز منقوع نصف ساعه
لحمه مقطعه مكعبات صغيره مش مفرومه خلو بالكم
3م ك سمن و 3م ك زيت
ملعقه ص من كلا من فلفل اسود/كركم /2م ملح /نصف م كبابه صينى/نصف م قرفه
نخلط كل دول مع بعض وكده تبقى الحشوه جهزت
بعد كده نحشى اللفت ونجيب مقله بها زيت غزير ونقلى فيها اللفت لحد ما لونه يصبح كده الدرجه ديه مش محروق اتفقنا
المرحله الاخيره مافيش اسهل منها بقا
بصوا وانتم بتاوره المحشى اوعو ترموا اللى قمتم بتاويره خدو منه مقدار 2 كوب وحتوه فى الحله اللى هتسوا فيها المحشى وشوحوه على نار متوسطه علشان الميه اللى فى قلبه تخرج يبقى جاف وبعدين رصوا المحشى فى الحلة واضربوا شفشقين عصير طماطم وحتوا عليه ملح وضعوه على النار بعد كده فى حاجه مهمه اووووووووووووووووووى بهارات اسمها سمـــــاق اوعوا تنسوا سماق بيتباع فى كارفور وهو مشهور قوى عند العرب واهل الشام حطوا اربع م كبار من السماق وضعوا على نار لمدة ساعة
على فكره ممكن اللى فضل من التقوير تحطه عليه ميه وملح وشطة حمرا فى برطمان وتخللوه وقطعة بنجر علشان اللون
صدقونى جميل وبالهنا والشفا منتظره ردكم عليا
كل عام وأنتم طيبين بمناسبة عيد الآضحى المبارك
مواضيع هذا القسم برعاية
هدهد التميمى هدهد التميمى 66443_1.gif فتكات رائعة Fatakat 66443 القاهرة – مصر