أزيكم يا حبايب قلبي انا صممت امبارح أقف ف المحل اصور كل الحاجات اللي هاخدها علشان أوريهالكم و أفيدكم زي ما دايما بتفيدوني يا قمرات و ربنا يكرم كل العرايس و يجيبوا كل اللي نفسهم فيه يا رب.. بحبكم في الله
طقم شربات سعره 400 دا هحطه في النيش ان شاء الله ( لو حد عنده اي ملاحظات علي حاجات النيش يقولها )
طقم شربات بالقله دي للنيش بردو الراجل قالي دي كريستال سعره بردو 400
طقم كاسات روز و دي أحدث حاجه طلعت في الكاسات اللي هو الحرف بتاعه طالع و نازل كدا سعره 225
دا بردو نفس النوع بس فيه تمويجه واحده سعره 225
كان في دا كمان بنفس السعر بس مجبتوش قلت كفايه اتنين من الشكل دا
و جبت دا كمان كان عليه نقشه ريشه محفورة فيه كدا سعره 85
و دول شبههم بس علي أرفع سعره 75
دا طقم قهوه بالصينيه بتاعته و معاه طفايه كان عاجبني انا لوحدي بس و مكنش عاجب بابا و لا ماما بس جبته بردو سعره 135
دا شكل الطبق بتاعه
دا طقم ميلامين تايلاندي ب 650
و جبت طقم RCR سعره 135 اكيد كلكم عارفينه بقي مش لازم صورته
دول كوبابات تايلاندي اسمهم العقرب .. العقرب اللي عليهم حفر بردو
عايزة منكم دعوة حلوة بقي و عايزة رأيكم في كل كل كل رحاجه علشان اللي هتقولولي عليه وحش مش هاخده معايا
بنت بتموت في روما بنت بتموت في روما فتكات نشيطة Fatakat 1178542 القاهرة – مصر