ازيكم يافتوكات انا اول مرة اكتب موضوع لقسم التمارين
انا الحمد لله ليا خبرة بمجال الايروبكس والتمارين الخاصة بالتخسيس وحرق الدهون انا كنت رياضية قديمة بس القاعدة بتعمل عمايلها المهم ندخل ف الموضوع
النهاردة جيبالكم تمرينات لمنطقة احنا بنعاني منها غير الارداف طبعا ههههههههه وهي منطقة الدراع واحيانا ناس وزنهم مظبوط بس الدراع مليان او مترهل وطبعا ناس كتير بتخاف تعمل تمرينات للمنطقة دي لانهم فاكرين هيطلعلهم عضلات لا خالص العضلات ليها سيستم تاني خالص وتمارين بأثقال تقيلة بتبدا من 10 كيلو وكمان بتحتاج وقت كبير جدا ممكن سنين عشان العضلات تكبر وتظهر زي بتوع ال
bodybuilding
المهم ده تمرين لعضلات الباي سبس العضلات الامامية للدراع وعضلات الترايسبس العضلات الخلفية للدراع
تمرينات بتساعد علي حرق الدهون الموجودة ع العضلات دي وبتشد الدراع
وطبعا في التمرين المدربة ماسكة دامبلز خفيفة عشان تعلي مقاومة الدراع في التمرين وطبعا ناس هتخاف منه وتقول هتطلعلي عضلات زي الرجالة بقولها متخافش فيه حاجة ممكن تمسكيها اخف منها وكويسة جدا كمقاومة ورخيصة كمان عارفين هي ايه؟؟؟؟
طبعا موجودة تقريبا في كل بيت لو مسكتي اتنين كل ايد واحدة وطبعا مليانين مية مش فاضيين بتعمل تأثير الدامبلز بس مفيش عضلات زي الرجالة انا بعمل كده عشان الدامبلز عندي تقيلة
ودي التمرينات
يارب تكون مفيدة ليكم زي ماهي جابت معايا نتايج كويسة جداااااااااا مع الاستمرار عليها
وادعولي اني اخس اللي فاضلي يارب::
Paposhka Khan88 Paposhka Khan88 240307_29.gif سوبر فتكات Fatakat 240307 cairo – egytp/india