"بديل للبيكنج باودر"
جيتى تعملى كيكة مرة و ملقتيش بيكنج بودر و قلتى خلاص مفيش كيكة لاء فى كيكة حتجيبى ربع معلقة بيكربونات الصودا و تدوبيها فى نص كوب لبن من اللى حتستخدمية فى الكيك و حيديكى نفس نتيجة البكينج بودر
بديل الفانيليا ف الكيك
ملقتيش فانيليا كمانخلاص متزعليش عارفة البديل أية معلقة خل تحطيها على البيض و انتى بتضربية حتضيع الريحة بتاعة زفارة البيض او رشة صغيرة قرفة حتعمل نفس الغرض
بديل الجيلي
نفسك تاكلى جيلى و معندكيش او عاوزة تعملى تورتة الجيلى و مفيش خلاص متزعليش عندى بديل سهل جدااااااااا هاتى عصير اى نوع عندك و حطية على النار و زودى علية معلقتين نشا و سكر حسب الرغبة و قلبى لحد مايتقل و حيطلع معاكى احلى جيلى
بديل الكاتشب
جيتى تعملى هامبرجر بيتزا و ملقتيش كاتشب متزعليش حقولك حل سريع و حتستغنى عن الكاتشب بعد كدا تجيبى معلقتين عصير طماطم متصفية طويس + معلقتين خل + معلقتين سكر + رشة ملح و فلفل اسمرو حيبقا معاكى احلى كاتشب و لو للبيتزا حتزودى علية رشة زعتر بتدى طعم خرررافى ولا كاتشب بيتزا هت
" بديل البقسماط "
الحاجة خلصت و انتى بتطبخى تعالى اقولك البديل أية جيتى تعملى بفتيك و ملقتيش بقسماط بسيطة يا ستى هاتى اى عيش عندى و لو فينو يبقا أحسن و د خلية الفرن لحد مايتحمص و بعدين أطحنية و حيبقا عندك احلى بقسماط ممكن كمان تضفيلة سمسم مطحون نص طحنة حيبقا حكاية و حتدعيلى ولو عاوزة حارق (( سبياسى )) حطيلة رشة شطة
" بديل زيت الزيتون "
طبعا زيت الزيتون غاااااااالى و احيانا الميزانية مش بتسمح بية طيب نعمل أية حقولك تجيبى زيت ذرة او عباد اى نوع تحبية مقدار كوبية مثلا و بعدين تحطى معاة 4 زتونات اسود و تقفلى عليها زجاجة و تسبيها اسبوع و افتحيها حتلاقى الزيت العباد بقا ريحتة و طعمة كأنة زيت زيتون طبعا احساس بالطعم و الريحة بس لكن مفيهوش الفوايد الخاصة بزيت الزيتون
بديل الليمون
الحاجة خلصت و انتى بتطبخى تعالى اقولك البديل أية خلص الليمون و محتاجة تضفية على أى أكلة بسيطة حطى رشة صغيرة من ملح الليمون
" بديل الزبادي "
حليب دافيء مضاف ل كل كوب ملعقة خل او عصير ليمون
" بديل الدريم ويب "
علبة قشطة + ملعقتين سكر + ملعقتين زبدة +ويخلط على النار الى ان يذوب السكر
وينتج عندنا دريم ويب
بديل الجبنه الموتزاريلا للبيتزا
هاتى اى نوع جبنه عندك واخفقيه فى الخلاط مع بيضه وملح وفلفل وعلى وش البيتزا حطيه وعلى الفرن
" بديل المايونيز "
بيضة واحدة + ثلاث ملاعق كبيرة خل + ملح ملعقة صغيرة + ثوم حسب الرغبة
توضع بالخلاط إلى أن تتجانس ثم يصب الزيت بالتدريج ملعقة ملعقة إلى أن يثقل قوامها
و تصبح كقوام المايونيز تماما مواضيع هذا القسم برعاية
ام عمرو 1988 ام عمرو 1988 472646_1.gif سوبر فتكات Fatakat 472646 اسكندريه – مصر