ازيكم يا بنات عاملين ايه
طبعا احنا عارفين ان الفسيخ هيبقى غالى نار السنه ده عشان ارتفاع اسعار السمك اصلا
وفى ناس كتير هتعملوا فى البيت ومش هتشتريه واضمن كمان
بس المشكله ازاى تعمليه وتضمنى انه هيطلع صح
لا يا ستى متتعبيش ومدوريش انا لفيت لك وجبت لك الطرق
وعلى فكره الطرق ديه مش بتاعى
لا ديه لعضوات هنا هما اللى جربوا وقالوا لنا
وطبعا بما ان شم النسيم على الابواب خلاص
قلت ده وقتها
يعنى بدال ما تجيبى كيلو ب60 او 70
ممكن تجيبى 2كيلو سمك30 وتعمليه انتى
احنا جبناه الاسبوع اللى فات الوسط ب28 جنيه
بس ممكن دلوقتى يكون غلى شويه وطبعا احنا لو جبناه جاهز هيبقى اكتر من 60
وديه طريقه عمل الفسيخ للعضوه كرومبا2
الطريقه
المكونات:
سمك بوري" الكيلو سمكتين"
نص كيس ملح خشن
2 معلقه كبيره شطه
و اكياس جديده
و حته قماش
الطريقه:
اول حاجه نجيب السمك طازه … و حطي 100 خط علي طازه
و مانغسلوش و مانعملش فيه اي حاجه
و بعدين نجيب جرنان و نحط عليه السمك بالشكل ده
لحد مايصفي كل الدم
لمده لا تقل عن 12 ساعه
يعني تحطيه بالليل و تعمليه الصبح
وبعدين تجيبى الشطة والملح
وبعدين تفتحى خياشيم السمكة كده على الأخر
شايفاها حمرا أزاى لأنها طازه
و بعدين نحشي خياشمها دي بالملح و الشطه
تجيبي الملح و الشطه و تلخبطيهم علي بعض
و بعدين تحشي لحد ما تحسي انها هاتفرقع و تضغطي عكده بصوابعك علي الخياشيم المحشيه دي
هتلاقي الملح بيخش لجوه كده و بيتكبس
كده زي الصوره
و تعملي كده في كميه السمك اللي عاندك
و بقي شويه من الملح و الشطه دول…
هاقولك هانعمل بيهم ايه
حلو ….. حلو
تجيبي بقي كيس نايلون و تحطي فيه شويه ملح و شطه كده
بس ماتحطيش اكتر من سمكتين في الكيس الواحد
اهو الكيس فوق
تعالي بقي نحط السمك بعد ماحشيناه
واحده عكس التانيه
كده زي الصوره
و نروح رشين عليه شويه كمان من الملح و الشطه
و نربط الكيس الاولاني كويس قوي
و نلفه في كيس نايلون تاني
و بعين تلفيه في كذا كيس
يعني حوال 5 كده
و بعدين اخر حاجه نلفه في مشمع
او كيس تخين علشان مايطلعش ريحه
كده
و بعدييييييييييييييييييييييييييين بقي
نحطه في حته كده بعيد شويه
يعني في درفه مطبخ اللي تحت
او اللي عندها دولاب بلكونه
او اي حته مداريا
بصي بقي ركزي شويه معايا
احنا مش هانفتح الفسيخ خالص
اول 3 ايام…. مش هانيجي جانبه خالص
من بدايه اليوم الرابع لحد اليوم 15
كل يوم نقلبه مره
و هو ملفوف زي ماهو
يعني بنقلب اللفه كلها
الكيس كله
ازاي بقي
هو دلوقتي معدول نقوم محركينه كده كأنه نام علي الجنب الشمال
و بكره نخليه ينام علي بطنه
و بعده نخليه علي الجنب اليمين
و بعده نخليه تاني يتعدل
يعني بيلف
كل يوم حركه واحده بس
يعني اول ماتصحي الصبح حركيه و انسيه بقي لحد تاني يوم الصبح
الحركه دي مهمه قوي
لانها بتخليه يستوي
طيب هايطلع ريحه… اه هايطلع ريحه بس اول تلات ايام بس
و بعدين هايبقي فيه ريحه… اه بس خفيفه قوي
طيب خلصو ال15 يوم
تكوني بقي مجهزه القعده
بصل اخضر و عيش و ليمون و ياسلام بقي لو عودين نعناع علشان الشاي اللي بعده
و هاوريكو صورته حالا
استنوني
تعالي شمي بقي" قاصدي " شوفي الصور
ده شكله لما فتحته بعد 15 يوم
و شلت كيس ورا كيس ورا كيس
ياااااااه
كتير قوي
المهم… اهه شكله قبل ما اطلعه من اخر كيس
اهو بقي يا ستي الفسيخ
و دي بقي لما طلعتو من الكيس
بس اهم حاجه خلي بالك افرشي جرنان واعملي احتياطاتك
طبعا تجيبي سكينه و تشيلي كل القشر بتاعه
و بعدين تبلي ايدك ميه و تمسحي الفسيخه كده من برا ..
علشان تشيلي القشر اللي لازق عليها
و بعدين تقطعي راسها و ترميها
و بعدين تفتحيها كده و تشيلي بطنها
و بيبقي شكلها كده
بجد الف مليون شكر للعضوه كرومبا
وبجد الفسيخ شكله جوعنى اوووووووووووى امتى يجيى بقى شم النسيم
مواضيع هذا القسم برعاية
بنت صاحبه المدونة بنت صاحبه المدونة 259769_4.gif فتكات ست الكل Fatakat 259769 المحله الكبرى السن – مصر