[center]السلام عليكم ورحمه الله وبركاته
(رديتى السلام؟)
اول موضوع اعمله فى القسم ده واهديه لاجمل ناس عرفتهم هنا (جروب التحدى)
الطريقه دى سهله جدا وممكن تعملى نص المقادير كتجربه
بس ان شاء الله هتطلع معاكى حلوة من اول مره
المقادير:………………………………….. ……
حوالى كيلو دقيق فينو
4 بيضات (انا استعملت بيض بلدى وممكن البيض الكبير اللى بنجيبه بره )وساعات استخدم بيضتين بس
كوب سكر
نص كيلو لبن
معلقتين سمن نص كوب زيت لازم الزيت بيخليها هشه جدا
ورقتين فانيليا
معلقه بودر
رشه ملح
وخميره بيره بحجم عين الجمل كده
سمسم
ذره لون اصفر اوعى تكترى منهم يا دوب تبلى صباعك كده منه حاجه خفيفه جدا
(كان عندى برتقالتين عصرتهم عملولى كوبايه عصير كده حطيتها مع اللبن .ما اقلكوش بقى ع الطعم والريحه جميله بجد وبشرت قشر برتقال عليهم برضه)ولو معنكيش خلاص ده اختيارى
الطريقه:…………………………………… …….
بسم الله نبدا
اول حاجه بجيب كوبايه شاى كده او مج بحط ربعها لبن دافى ومعلقه سكر وحته البيره اللى ف حجم عين الجمل
هتبقى بالشكل ده
وهنا بعد ما خمرت
شايفين الفقاقيع
هنحط كل المقادير مع بعض ونعجن كويس اهم حاجه تعجنى فيها لما حيلك يتهد
مش يتهد يتهد يعنى ده انتى بتعجنى شويه نونو خالص ونحط الخميره اللى خمرت فى الكوبايه دى
وع فكره العجينه هتبقى ملزقه ف ايدك عشان فيها بيض فمتقلقيش يعنى لو مرضيتش العجينه تفك من ايدك وتسيبك ف حالك
هتبقى بالشكل ده بعد ما خلص عجن
ونغطيها بغطايه نضيفه كده وبعدين قماشه نضيفه وسيبيها تخمر
عارفه لو عندك بلكونه فيها شمس حطيها فيه هتلاقيها خمرت حالا
والجو حر اصلا مش هنحتاج بلكونه المشكله فى الشتا بتاخد وقت فى الخمر
المهم ف كل الحالات ما تشتغليش فيها الا لما تلاقى العجينه خمرت والعجينه هتبقى طريه مش ناشفه كده وتخينه اوى
طريه بس لدرجه انك تقدرى تبرميها وتشكليها
وهنا بعد ما خمرت
شايفين ملت الطبق ازاى ما شاء الله
وهنا كمان واخدين بالكو اتنفخ وعلى ازاى ما شاء الله
تحسى نفسك كده فرحانه ولا كانك بتعملى تجربه فى المعمل
ونبتدى بقى الشغل على بركه الله
هتجيبى طبق صغنن تحطى فيه شويه زيت تدهنى منه ايدك فى كل مره تقطعى فيها حته عجينه من الطبق عشان متلزقش ف ايدك وتعرفى تشكليه
انا عملت ع شكل ورده هنا وساعات بعمل ع شكل ضفيره
بس بما انى لسه والده ومعايا ابنى خايفه يصحى فكنت مستعجله
والكميه دى طلعولى حوالى تلات صوانى
طبعا هنسيبهم تانى يخمرو
ولازم تسيبى فاصل بين كل شريك والتانيه عشان هيخمر ويتنفخو وفى الفرن هيتنفخو كمان وكمان هتحسى انهم خلاص هيتفجرو من كتر الانتفاخ:
كمان صوره اهو مش حرماكو
ونسيبهم يخمرو شويه
وبعدين نسخن الفرن جااااااامد جدا
هنا لما خمرو فى الصوانى قبل ما ادخلهم الفرن
هتلاقيهم كبرو كده فى الصينيه ولزقو ف بعض من الخمر
ونخلهم الفرن
هنا واحده لسه هتنور الدنيا وتشرفنا ..خارجه من الفرن
اتفرجو هنا بقى
انتو فاكرين الفرجه ببلاش ؟؟؟؟؟؟؟؟؟؟؟؟؟؟عارفين هتعملو ايه بعد ما تخلصو الموضوع ………………….
انتو اذكياء وفهمتو انا عايزه ايه اكيد:
وهنا كلهم الكميه كلها
وهنا من جوه هشه جدا
شايفين ؟
نسيت اقلكم بعد ما تشكليهم تربى بيضه كده ف طبق وتدهنى وشهم من فوق
وبعدين تجيبى طبق تحطى فيه شويه سمسم وسكر خشن وترشيهم من فوق ده اختيارى السمسم
لكن دهن البيض ع الوش لازم عشان يحمر حلو
ملحوظه كمان انا حطيت شويه سمسم فى العجينه نفسها وساعات محطش حسب الموجود عندى
وفى الاخر …………….بجد بجد بجد
اول مره اعرف ان كتابه موضوع متعب بالشكل ده وخصوصا لو فيه صور
وخصوصا كمان انا كنت خايفه النور يقطع ولا الجهاز يفصل مع نفسه ولا ابنى يصحى ويقرفنى وما اعرفش اكمل الموضوع
فالتقييم بقى انتى وذوقك بجدددددددددددددد
واخيرا بعتذر عن عدم وضوح الصور بس دى عده جوزى
وانا تليفونى مش فى كامير ولا حتى بيقول الوووووووووووووووووووووووو ::
بايظ يعنى……………………………..
ان شاء الله المره الجايه هنزلكو العيش الشمسى الصعيدى
كانت معكم (هند عبد الحميد) من موقع جروب التحدى :s[/CENT
]لو حبيتي تتعرفي اكتر علي فريق التحدي
زورينا في بيتنا هنا
♥ ♠ ♥ عودة جديدة لفريق التحدى معا لنصبح اصحاب الجنة ♥ ♠ ♥باب الاشتراك مفتوح ♥ ♠ ♥
https://fatakat.univanet.com/#5299922
او زيارة النوت بوك اليوميه للجروب
○☼● صفـــحات من حياتـــي .. نوت بوك جروب التحدي○☼●
https://fatakat.univanet.com/#5125250
[/color] مواضيع هذا القسم برعاية
هندعبدالحميد هندعبدالحميد 634478_7.gif فتكات ست الكل Fatakat 634478 الوايلى – مصر