النهرده طبعا مع احترامى لكل الفتوكات الجامدين اوى ماشاء الله عليهم انا قولت يمكن فيه فتوكه جديده او تكون متعرفش تخلى الفراخ فانا قولت انقل طريقتى المتواضعه فى خلى الفراخ ودى الحمدلله اتعلمتها بعد محاولات عديده جداا فى تعذيب الفراخ اللى كانت بتقع تحت ايدى كنت بطلعها اشلاء مبعثره
ندخل بقا فى الموضوع وهقولكم كمان على شويه اكلات تعملوها بيها يلا نبدأ بسم الله الرحمن الرحيم
ده الشكل النهائى تمام كده
طبعا انا مرقمه الصور عشان نسهل وصول الفكره
1- الفرخه كامله اهى بنقطع الجناحين
2- بنحط الفرخه على بطنها ونبتدى من فوق من عند العمود الفقرى وننزل فى خط مستقيم لتحت
3قطعنا العمود الفقرى بالرقبه كله من ناحيه اليمين والشمال اعتق الصوره موضحه
4- بنفرد الفرخه بايدنا بحيث انها تبقى قطعه واحده زى الصوره كده
1-ده شكل الفرخه بعد ماخلينا العمود الفقرى منها نيجى من ناحيه الوراك ونبتدى نفصلها وهى هتبقى متححد مكانها يعنى مش هتغلبى الزاى تفصلى الوراك عن الفرخه
2- شكل الوراك بعد مافصلناها
3- نيجى عند الصدر ومن المنتصف ونقسم الصدر
4- ده شكل الصدر بعد ماقسمناه نصين
1- نيجى لخلى الصدر القطعه اللى عندها السهم دى بنفصلها تماما اوك
2- نقلب الصدر بقا ونبتدى نخلى براحه عضم القفص الصدرى وبرضه بسن السكنيه نبتدى ندخلها مابين العضم واللحمه براحه ونسلكها
3- وده بعد ماسلكنا العضمه ماشاء الله طلعت معانا نقوم قطعينها بقا خالص
4- وده شكل الصدر بعد ماخليناه
1-بعد مافصلنا الفراخ عن بعضها نيجى بقا نخليها جزء جزء وهنبتدى بالورك
الورك شكله زى رقم 6 تمام كده بنيجى من ناحيه العضمه اللى فى الجنب (مش عضمه الدبوس ) وننغزها بالسكينه عشان نعر فين اول العضمه واخرها وواول مانحدد مكانها نروح فاتحين فتحه من جنب العضمه بالسكينه واعتقد الصوره موضحه
2- بعد مافتحنا من جنب العضمه اللى فى الجنب
نيجى بقا لعضمه الدبوس بطرف السكينه ونفتح من جنب القرقوشه اللى فوق دى ونفتحها وبعدين ندخل طرف السكينه من جواها وندخلها لجوه لاخر العضمه براحه عشان متتقطعش
3- واعتقد الصوره موضحه احنا وصلنا لمرحله ايه شايفين شكل العضمتين ماشاء الله بقا مفصولين عن بعض
4بطرف السكينه ونميلها لجنب ونبتدى نسكل العم من الفراخ وهى هتتسلك معاكى بس براحه عشان متتقطعش
وده شكلها النهائى
وطبعا دى ممكن تعملوا بيها اكلات كتييير زى بانيه وراك محشيه وممكن تشويها ….الخ
وهجيبلكم بعض لينكات الاكلات اللى ممكن تعملى بيها فراخ مخليه ان شاء الله
حفله مشاوى مشكله معاها الرز المدخن بطريقه تقديم شيك هتشرفك قدام ضيوفك
https://fatakat.univanet.com/#4961723
تشيكن كانتون اكله صينى
https://fatakat.univanet.com/#4938506
الوراك المحشيه (تقوليش حمام بجد ماشاء الله طعمها جمييل
https://fatakat.univanet.com/#4771180
روول الفراخ المشوى
https://fatakat.univanet.com/#4830008
وطبعا فى اكلات كتير جدا لفتوكات ماشاء الله عليهم
ومش طالبه منكم غير دعوه حلوه ان ربنا يحققلى اللى بتمناه ويكتبلى فيه الخير
فى رعايه الله يااحلى فتوكات مواضيع هذا القسم برعاية
angelsmile2311 angelsmile2311 963758_5.gif فتكات رائعة Fatakat 963758 my home – egypt