طبعا انا واثقه انكم مش هتصدقو كلامي بس والله دي تجربتي مع الرجيم الكميائي وده كل اللي حصلي بالتفصيل
في الاول كنت مخنوقه وزهقانه من وزني الكتير وكان نفسي اخس بسرعه جدا رحت للدكتوره عشان اخس سالتني انت عاوزه تخسي بسرعه؟
قلتلها طبعا
قالتلي ممكن تعملي اي حاجه عشان تخسي بسرعه ؟
قلتلها بالتاكيد
قالتلي ماشي
ومشيت علي الرجيم الكميائي وطبعا كلنا عارفين نظام الرجيم الكميائي
وبدات اخس بسرعه جدا واسبوع علي اسبوع خسيت
30 كيلو في شهر ونص
طبعا ما كنتش مصدقه
كان وزني 123 ووصلت 93 ك
وباعدين قلت للدكتوره ممكن اوقف الدايت شويه عشان كان عندي امتحانات الكليه
ومن ساعتها وحصلي اللي حصل
وعنكم ما تشوف الا النور
اولا : سقوط الشعر
ثانيا : انيميا حاده
ثالثا : اسمرار حول العين
رابعا : ضعف عام
والكارثه الكبري اللي لو كان حد قالي عليها ما كنتش هصدق خالص
كنت بتخن من غير ما اكل !!!!!!!!!!!!!!!!!!!!
والله العظيم كنت بتخن وانا ماشيه علي نظام التثبيت
وفضلت اتخن واتخن لحد ما زدت 48 كيلو
يعني خسيت 30 كيلو وزدت 48 كيلو
مش دي بس اضرار الرجيم الكميائي لا في كارثه كمان
ان حرق الجسم للدهون بيبوظ خالص يعني بيحصلو نوع من الصدمه
وما بيرجعش يحرق زي الاول
هاه بعد ما عرفتي تجربتي مع الرجيم الكميائي هتعمليه عشان تخسي بسرعه ولا ايه ؟
انا لما لقيت ناس كتير هنا في المنتدي لسه بيعملو الرجيم الكارثه ده
قلت لازم افدكم واقولكم علي تجربتي
وصدقوني ماتخليش حلم النزول بسرعه يخدعك وتمشي ورا اي دايت وخلاص
ياريت كل اللي بتعمل الرجيم ده توقفه بسرعه وتقولنا تجربتها معاه
سومه المسمسه سومه المسمسه 406106_7.gif فتكات هايلة Fatakat 406106 في قلب حبيبي – مدينه الذكريات