بسم الله الرحمن الرحيم من غير ما نرغى كتير يلا نشوف مع بعض طريقه البيتزا على طريقتى ويارب تعجبكم ان شاء الله
اولا: المقادير لعمل العجينه ل2 صينيه كبار يعنى لو هتعملى صينيه واحده يبقى هتستخدمى النص
كيلو دقيق _ معلقه خميره جافه كبيره _ معلقه سكر صغيره _
كوب لبن _ ربع كوب زيت _ ربع كوب زبده _ ملعقه عسل كبيره( مهمه جداااااااااا)_2 بيضه
الطريقه:
نخلط الدقيق مع الزبده
ونجهز الخميره باضافه معلقه السكر والماء الدافىء
ونعمل حفره فى الدقيق ونضع الخميره
بعد كده نخلط كل المواد السائله مع بعض
اللبن والبيض والعسل ونضعه على الخليط الجاف
ونعجنهم كويس ونغطيها ببلاستيك وبعدين نسيبها ترتاح ساعتين
مقادير الحشو (طبعا بيختلف زى ماتحبى)
بصلتين مبشورين _هوت دوج مقطع_ معلقتين صلصه كبار _ توابل _قطعه زبده
هنحمر البصل خفيف فى الزبده وبعدبن نضيف الهوت دوج الشرايح
وبعدين الصلصه والبهارات
وبعدين نبطن الصينيه بزبده ودقيق ونبتدى نحشى زى ما هنشوف
ونضع الخضراوات والجبن الموتزاريلا على الوش
وبعد كده نحطها فى فرن متوسط الحراره نص ساعه
وده شكلها بعد ما استوت وقدمناها
يارب تكون عجبتكم
وماتنسوش الرد والتقييم يا قمرات
وبالهنا والشفا
مواضيع هذا القسم برعاية
tota_baby tota_baby 222914_2.gif فتكات ست الكل Fatakat 222914 القاهره – مصر