انا حبيت احذر كل الفتوكات من نوع سمك اسمه القراض(الارانب)
دى نوع من السمك بيعيش فى البحر الاحمر والمتوسط وهو مكروه من الصيادين لانه بيقطع الشبك
ومنه ما يقرب من 12 نوع واغلبهم مسممين ولكن الانواع الباقية غير مسممة ولكن بها عرق سم يقوم السماك بازالته وتؤكل السمكة
انا حبيت انصحكو لانى اكلت السمكة دى من حوال 3 سنين وما كنتش اعرف موضوع السم ده والحمد لله بنتى كانت صغيرة وما اكلتش منها بس بعد ما اكلتها شعرت بتنميل فى اطراف اصابعى وشفايفى وخمول شديد كانى وخده بنج
ومعرفتش السبب لكن لما اكلتها مرة تانية اتكررت نفس الاعراض فربط الموضوع وبدات ادور على النت
السمكة مصنفة من الاسماك المسممة والاعراض اللى شعرت بيها من اخف الاعراض لانى اكلت كمية بسيطة لكن لو الكمية زادت تؤدى الى ضعف فى التنفس وايقافه احيانا
المعلومات دى من موقع اسماك البحر الاحمر
وللاسف الصيادين مبيعرفوش يفرقوا بين الانواع السامة منها وان كانت كل انواعها تقع الان تحت الاسماك السامة
وعلمت ايضا من نفس الموقع ان وزارة الصحة ارسلت نشرة لكل الفنادق والمطاعم بعدم تقديم هذه السمكة
خاصة لوجود بعض حالات الوفاة اثر تناولها
ولو حد متابع شريط الاخبار كان فى من فترة اكتر من حالة تسمم فى السويس والاسكندرية وكان اخرها تسمم اسرة من5 افراد بالسويس
وللعلم السمكة سعرها معقول وكمان فيليه يعنى مفيش شوك خالص ودى بيغرى كتير انهم يشتروها وهم ميعرفوش
معلش لو طولت بس حبيت احذركو
خوخة2017 خوخة2017 401731_1.gif فتكات هايلة Fatakat 401731 القاهرة – مصر
سبحان الله و بحمده