بسم الله الرحمن الرحيم
السلام عليكم ورحمة الله وبركاته
عاملين ايه يا حبايبى
وحشتونى جداااااااااااا
بجد
"رجاء قراءة الموضوع كااااااااااااااااااااااامل"
ده اهم كلام قلناه فى موضوعنا الى فات
فتوكاتى الحلوين القمرات القلبوظات
بصوا بقى
مش هقول لازم نخس عشان صحتنا امانة
ومش هقول لان شكلنا بقى صعب اوى وبقينا فى العشرينات ومش قادرين نطلع السلام من وزننا
ومش هقول ان الاسراف فى الاكل وفى اى حاجة طبعا حرام وربنا نهى عنه
ومش هقول انه الرسول عليه الصلاة والسلام قال لنا (ثلث لطعامك وثلث لشرابك وثلث لنفسك)
واحنا ما شاء الله لكل لطعامنا
ومش هقول لكل متجوزة ان لازم تاخدى بالك من مظهرك وجسمك لرضى زوجك
ومش هقول لكل بنت لازم تخسى عشان لما تجوزى ان شاء الله أكيد هتتخنى
ومش هقول لكل واحدة نفسها تخلف ولسه ما فيش نصيب ان اولى الخطوات هى انك تخسى
ومش هقول اننا بندوخ لغاية ما نلاقى مقاستنا
مش هقول بقى شكلنا صعب وعامل لنا أحباط علططول واكتئاب
انا هقول حاجة واحدة
كفاااااااااااااااااااااااااااااية
كده كتير اوىىىىىىىىى
كفاية اكل بقى
ركزوا كده شوية
فى كل حاجة بتدخل معدتكم
ركزوا واعقدوا النية
وقرروا انه لازم تخسوا
خلاص هايصين فى الرز والمكرونة والمحمر والمشمر
ولا فى دماغنا خالص
دلوقتى الضغط والسكر والقلب (ربنا يحفظنا ويعفينا )
وصلوا واحنا فى لسة فى ال 30 ويمكن أقل كمان
مستنين ايه بقى
رجيم صعب
لأ مش صعب
الى بيقول صعب يبقى بيدلع
لان الناس الى عندها عزيمة وأرادة وخست دى مش احسن مننا
الحمد لله الفريقن اتكونوا
فريق الهمة العالية(الفريق الأخضر)
1- تباع الشمس 119
2- كركورة 75
3- نورس البحر 89
4- المتوجة على العرش 96
5- ميمي 76
6- 90Aom gogi
7-فرح 88
8- شقاوة 82
9- مشتاقة للجنة 85
10- هنة 136
11- بيكي70
فريق العزيمة القوية (الفريق الأزرق)
1- نوشا 70.5
2- منمونة الكلبوظة 89
3-100sagaya
4- أم يمنى 82
5- تسابيح 91
6- طالبة ختم القرآن 101
7- ساسو 83
8- طيف 76
9- نور 100
91.5meroata -10
11-مشتاقة لرضا الله 95
انا ان شاء الله هتابع فريقى الفريق الازرق
كركورة ان شاء الله هتابع فريقها الفريق الاخضر
الفريق الفائز هيكون على حسب مجموع الخسارة للفريق كله
والفريق الخسران أكيد هو الى هتكون خسارته اقل
طيب هنتابعه فى ايه هل فى الاكل بس …لأ؟؟؟
هنتابعه فى 10 حاجات
هما كالاتى:::::
1-صلاة الفجر والصلاة فى اول الوقت:………
2-اذكار الصباح والمساء والاستغفار:………
3-قراة القران حتى ولو صفحة:…………
4-صلاة الشفع والوتر وقيام الليل (حتى لو ركعتين نقوم قبل الفجر بنص ساعة نصليهم):………
5-الدعاء(ندعى لنفسنا ولأهلنا ولبعض):……..
6-الفطار:…………
7-الغداء:…………
8-العشا:………..
9-شرب 8 اكواب مياة يوميا:………..
10 الرياضة:………….
كل واحد هياخد يوميا درجة من 10 على الحاجات دى
يعنى الى هيبوظ فى حاجتين هياخد 8من 10 ..3 حاجات..7 من 10
وفى كل اسبوع هتتجمع الدرجات
وهتطلع الاولى والتانية والتالتة من كل فريق
(ليس من ضمنهم أنا أو كركورة)
الكلام ده بين كل فريق وبعضه بعيدا عن المنافسة كلها
كل عضوة ف الفريقين هتاخد التقرير ده يوميا كوبى وبيست وتدينا التمام على كل حاجة فيه
وياريت رجااااااااااااء منى التقرير بالاستفسار الى عايزاه باى حاااااااااااااااجة عايزين نقولها كله يبقى فى مشاركة واحدة بسسسس(على قد ما نقدر) لان زى ما هو واضح ان عددنا كبير مش عايزين نتوه من بعض وعايزين كل مشرف على فريق يبقى قادر يرد عليه بسهوله
لاننا هنتابع كله بردو فى مشاركة واحدة الى هى فى صورة اقتباسات
وكمان عشان الكلام ده(الى قولناه فى موضوعنا الى فات)
فتوكاتى الحلوييييييييييييييييي
فى حاجة هقولكم عليها
بس ارجوكم عشان خاطرى ماحدش يزعل
انتم كلكم هنا أخواتى
ف تقبلوا كلامى من غير زعل
مش عاوزين نحول الموضوع هنا لشات وخلاص
وفى الاخر نكتشف ان كله مبوظ ومحدش ماشى على الدايت
لانه اولا ده بشوفه فى مواضيع كتييييييييييير جدا وجروبات كتير الموضوع بيبتدى دايت ويقلب شات وكأن شيئا لم يكن
ثانيا ده تحذير من الاداره ان الموضوع يا خد هدفه الى معمول عشانه ما يتحولش لمجرد شات وخلاص
ثالثا فى قسم خاص للشات ممكن نعمل فيه موضوع ونكلم زى ما احنا عايزين
رابعا وده المهم بالنسبة ليه ان التعليمات الجديدة الى هتتقال تكون واضحة لكل مشترك وما يعدش يدور فى كل الصفحات وبردو تقريركم اليومى يكون واضح ليه عشان ما اعدش ادور وكلام ما أخدش بالى م منه وأقدر التابع الناس كلها
ومش معنى كده اننا ما نكلمش مع بعض ولا نسأل على بعض ونبقى عاملين زى الرجل الالى ..لأ انا قصدى الموضوع ياخد هدفه
اتمنى تكونوا فهمتونى
رجاااااااء خاص جدا
أوعى حد يزعل من كلامى
وربنا ييسرلنا ان شاء الله
يا جماعة ارجوكم تفهمونى فى الحتة دى بالذات
دى مش غلاسة منى
انتوا فيكم الى اصغر منى والى اكبر
والاحترام للجميع اكيد قبل كل شئ
بس الفكرة ان النظام حلو ..وما حدش يزعل منه
عشان نعرف نستمر
لان الموضوع بالنسبة ليه جد جداااااااااا لمصلحتنا كلنا
والى كانوا معايا من اسبوعين
عارفين كده
والناس الجديدة مع الوقت هيفهمونى اكتر
خلاص كده عددنا بقه مكتمل فى كل فريق
(طبعا أكيد فى ناس ممكن تمشى فى النص سعتها هنقبل ناس تانية يكونوا مكانهم ويبتدوا معانا من جديد كل سبت..
يعنى ممكن اسبوعيا الناس تتغير على حسب الناس الى هتمشى وده طبعا ما
تمناش انه يحصل)
يعنى مش محتاجين الموضوع يترفع بمشاركات زيادة ملهاش لازمة
واجى على اخر اليوم الاقى
10 صفحات زيادة
أعد اقلب فيهم واقرا
وما لقيش فيهم اى حاجة مفيدة
خصوصا ان معظم الناس مشغولة الى مشغول فى شغل او فى دراسته
وانا حتى لو كنت موجودة على النت بكون مشغولة بحاجات تانية يعنى لو ما ردتش فى سعتها يبقى أكيد ان شاء الله هرد
اطمنوا
ان شاء الله اتابع فريقى وكركورة كمان
تتابع فريقها
وكلنا نكون مكملين بعض
بأذن الله
وهى كمان ينطبق عليها نفس الكلام
لانها مشغولة فى كليتها
يعنى ارجوكم نراعى بعض يا جماعة
مش عايزين النت يسحب وقتنا من غير ما نحس
عايزين يومنا يعدى تمام
صلاة وعبادة وطاعة وشغل
ومحبة واخوة ومراعاة لبعض
ده هدفى ونيتى
واتمنى تكونوا تفهمتونى
مواعيد الدخول
براحتكم خااااااااااالص
صبح ضهر فجر عصر براحتكم
المهم التقرير يكون يومى
يوم الجمعة ان شاء الله هيكون ديما فرى ولكن للفريق الفائز فقط
وكل سبت هنبتدى من جديد
(وانا قلت انه الفريق الخسران لو اخد الجمعة فرى هيضر نفسك لانه اكيد اكيد هيخسر برده الاسبوع الى بعده وهيكون فى خسارة مستمرة)
كل واحد يمشى على الدايت الى يريحه
تمر ولبن
كيميائى
بطاطس مسلوقة
بطيخ
كرنب
رجيم سعرات
رجيم لقيمات
الى يعجبكم
لكن المشاركة الجاية ان شاء الله هيكون فيها الدايت كامل(دايت دكتور بهاء ناجى)
وهو لمدة شهر ونص يعنى الناس الى ابتدت من اسبوعين تكمل بالاسبوع الثالث والناس الجديدة تبتدى من الاسبوع الاول
وهتلاقو معاه كمان اهم تعليمات دكتور ماجد زيتون
الى قالها قى قناة الحياة
وكمان دايت للمرضعات
عشان ما نكونش نسينا حد
(وانا قلت انى اختر دايت دكتور بهاء لانه صحى ومفيد وهنخس ان شاء الله بلا رجعه
حفاطا على صحتنا
عشان نخس كده بصحه وعافيه)
طبعا مسموح بالتباديل فى الايام يعنى على حسب الى موجود عندنا فى البيت
أهم حاجة انه يكون الاكل دايت
لان كل حاجة ممكن ناكلها دليت لكن الاختلاف بيكون فى طريقة طبخها وأكيد فى الكمية
وان شاء الله الى عاوز يعمل اى حاجة ومش عارف ازاى تكون خفيفة ودايت يسألنا وان شاء الله نساعدة فى الطريقة بتاعتها طبعا الكلام ده لا ينطبق على الاكلات الممنوعة فى الدايت زى الحلويات والمقليات وخلافه….
اما بالنسبة للرياضة
فدى الى هتفرق كل فريق عن التانى(ودى حقيقة بجد)
لان كلنا ان شاء الله هنعمل الدايت ومش هنلخبط)
طيب مين الى هيكون فاصل فى الموضوع؟؟؟!!!
الفاصل ::: الرياضة ثم الرياضة ثم الرياضة
قسم الايروبكس والتمارين الرياضية فى المدونة
ما شاء الله مليان
يعنى فى خلال تصفحكم الى يلاقى حاجات مفيدة يطبقها وياريت كمان يجيب لنا اللينك بتاعها
واعتبرونى انا اول المشاركين
ده موضوع للاستاذة/ غادة الصايغ الله يكرمها فى فيديوهات وصور متحركة وان شاء الله يعجبكم ويفيدكم
https://fatakat.univanet.com/#929142
ان شاء الله هبعت رسالة خاصة لكل اعضاء الفريق
الى مش هيدخل فى خلال 3 ايام هعتبره منسحب
تابعو معايا المشاركة الجاية(رجاء عدم الرد حتى اكتمال الموضوع)
Nosha Nosha 253426_2.gif فتكات هايلة Fatakat 253426 الاسكندرية – مصر