السلام عليكم
ازيكم يافتوكات عاملين اية يارب تكونوا بخير
الاول انا حابة اقلكوا عن تجربتى انا شخصيا اللى مريت بيها
انا عارفة ان فى كتير عايزين يخسوا مش يتخنوا ويقولوا اية دة الرفع حلو ومش تتخنى لا بجد وعن تجربة الموضوع بتاع الرفع دة وحش جدا وبيخلى النفسية زفت زى السمنة بالظبط
انا كنت فى الاول 35 كيلو وبقيت 55 كيلو فى خلال سنة وبقيت موزة والحمد لله
روحت لدكتورة تغذية وحاقولكم عن تجربتى حالا
1-فى باودر اسمة بايوتك دة بيتباع فى الصيدليات وبيتحط على كوب من اللبن البودرة زى نيدو ويتحلى طبعا بالسكر وتشربى منة مرة الصبح ومرة بالليل وفى فاتح شهية اسمة موتيليوم برشام بتاخد قبل الاكل بنصف ساعة وفى مهضم بتاخد بعد الاكل بس الصراحة مش فاكرة اسمة
2 العيش الفينو هو الافضل يلية الشامى ثم اللبنانى ثم البلدى
3الاكثار من المكسرات والمسليات
4الفاكهة تؤكل بعد الوجبة مباشرة
نماذج الافطار
عسل اسود بالطحينة
عسل ابيض بالقشطة
مربى
حلاوة بالقشطة
كرولسون بالجبنة
باتية بالجبنة
الغداء
السلطة الخضراء فى نهاية الوجبة
ارز او مكرونة مطبوخة
خضار مطبوخ
الاسماك او اللحوم او الدواجن تفضل محمرة اة محشوة
2-3 ساعات بعد العداء
اى نوع حلوى قطعة جاتوة او كيك بيتفور يسكويت كنافة قطايف هريسة
بسبوسة مع كوب شاى باللبن البودرة الكامل الدسم
العشاء
اى حاجة من نماذج الافطار
بعد العشاء بقى لو بتسهرى او ممكن متاكليش حاجة حلوة بعد الغداء وتسلى نفسك بمكسرات سودانى او فسدق او شيبسى مع كوب من الخروب او التانج او البيبسى
وبتمنى انى اكون قدرت افيد اى واحدة عايزة تتخن
nona105 nona105 530504_6.gif سوبر فتكات Fatakat 530504 alex – eghpt
سبحان الله و بحمده