السلام عليكم ورحمة الله وبركاته
طبعا انا حبيت افيدكم بتجربتى مع الديتوكس واللى فعلا اعتبرها تجربة ناجحة وعلشان كده حبيت اكتبها لكم
انا كنت بعمل دايت ونظام رياضى لانقاص وزنى وبديت من حوالى 4 شهور بالضبط خسيت خلالهم الحمد لله 25 كيلو
طبعا انا كان وزنى 85 كيلو وكان شكلى فعلا غريب كنت مكعورة هههههههههههههه
يعنى بطن كبير اللى يشوفونى يقول لى انتى حملتى تانى كأنى فى الشهر الخامس
انا عندى 3 اطفال والحمد لله ربنا يبارك لى فيهم بس طبعا عاوزة اقول لكم ان بعد اخر ولاده وصلت للوزن الغبى ده اللى عمرى ما وصلت له لانه دايما بخسس نفسي بعد كل ولاده بس دايما كنت فى السبعينات وكبيرى اوى اوى 75 انما انى اوصل لل 85 كانت كارثة بالنسبة لى وحاولت اخسس نفسي لكن لا حياه لمن تنادى
عملت رجيم الدكتور فادى خسيت 5 كيلو بالعافية ورجعتهم تانى لما حصل لى حادث وقعدت شهرين فى السرير زدت 7 كيلو فيهم
ما علينا
الحمد لله حاولت اعمل دايت تانى وكان وزنى مش بينزل لانه مش اول مرة اعمل دايت والجسم بيكون قابليته للنزول مش زى اللى بيعمل دايت لاول مرة بينزل على طول
طبعا حاولت وحاولت وبرامج رياضة ورجيم وووو المهم ولله الحمد خسيت ونزل وزنى
بس بعد كده حسيت ان وزنى بقى صعب فعلا صعب ينزل
كمان لاحظت انى بعمل مجهود رياضى جامد يعنى يحرق اى شئ ومع هذا الوزن ثابت
ماشية على الدايت صح والوزن برضه ثابت
قلت فى ايه
وكان لازم ابحث وادور وادعبس فى النت وعرفت انه المسئول الاول عن الحرق فى جسمنا هو الكبد
هو فلتر الجسم من السموم ومتى امتلاء الفلتر بالسموم لا يعمل بكفاءته المعتاده
وتلاقى اعراض كثير على امتلائه بالسموم
صداع بلا سبب
ارق
تعملى دايت ووزنك مينزلش
تتخزن دهون فى جسمك فى اماكن وتحاولى تنزليها مفيش فايده
ده غير اعراض تانية كثير منها جفاف البشرة وشحوبها وصفار الوجه وعليه ومع كل هذه الاشياء التى قرئتها كان يجب تنظيف الكبد من السموم واللى بيسمى ديتوكس
طبعا برضه دورت كثير واكتشفت ان المواقع العربية للاسف لم تذكر اى شئ عن هذا او ذكرت القليل جدا وكله منقول من بعضه
وكا يجب البحث فى المواقع الطبية الاجنبية
والحمد لله لقيت موقعين كاتبين كيفية تنظيف الكبد بالتفصيل
والاغرب والافضل انى لقيت على اليوتيوب فيديوهات كثير لناس شارحة الطريقة بالتطبيق العملى
ما علينا
طبعا طبقت البرنامج زى ما هو مكتوب بالضبط
كان صعب وكنت بتمنى الاقى النتيجة زى ما مكتوب انها هتظهر
وفعلا بديت الاسبوع اللى فات فى التطبيق
والحمد لله الحمد لله الحمد لله بتوفيق ربنا سبحانه وتعالى قدرت اطبقه صح بالتفصيل وبالخطوات زى ما هو مكتوب حتى كمان حسب الجدول الزمنى اللى مشروح
وبفضل الله لقيت النتيجة زى ما قالوا
خروج اشياء غريبة لم اكن اتوقع وجودها فى جسمي بل وفى كبدى بالتحديد
واتوقع ان شاء الله خلال الايام القادمة ان اجد تغيير فى جسمي
طبعا خلال التطبيق فقدت وزن
فقدت تقريبا حوالى 4 كيلو من الوزن
كمان كان فى عندى منطقة عنيده مش عاوزة تنزل من جسمي وكنت بفكر اعمل لها ليزر بارد او حتى ميزوثيرابى لله الحمد انى معملتش لان الوزن اللى فقدته كان منها بالتحديد ونزلت كلها
فقلت اكتب تجربتى لكم هنا وان شاء الله تستفيدوا
يا بنات اللى تخسس نفسها وتلاقى فى حتة مش نازلة بلاش ميزثيرابى ولا ليزر ولا ولا ولا ولا
عليها وعلى تنظيف الكبد وبعون الله هتنزل المنطقة العتيده دى وكمان هتكسب صحتها لانها هتكون نظفت فلتر الجسم وبالتالى الجسم هيرجع ممتاز ونظيف
فى حاجة تانية كمان قريتها ان الكبد اذا كان ممتلئ بالسموم هذا يعنى ان مرة واحده غير كافية لنظافته
هذا الموقع الذى به البرنامج
https://curezone.com/cleanse/liver/Ga…ay_program.asp
على فكرة انا طبقت برنامجين معا وهذا هو الموقع التانى للبرنامج التانى
https://www.alternativehealth.co.nz/c…liverflush.htm
وهذا شرح الفيديو لتطبيق اخر مرحلة فى البرنامج
https://www.youtube.com/watch?v=l5s1g4ZtH5Y
بل يجب تكرار العملية كل 3 شهور على الاقل حتى تحصلى على افضل نتيجة وطبعا هتلاقى حصوات غريبة كأنها صخور طالعه من بطنك للاسف
هذا شكلها وهذه الصورة من المواقع التى تشرح طريقة تنظيف الكبد
اقرأوا هذه المواقع واللى تحتاج اى استفسار انا موجوده
بالتوفيق
nonamm1 nonamm1 152240_1.gif فتكات رائعة Fatakat 152240 الرياض – السعودية