اشهد الله اولا انى احبكم فى الله واقسم بالله انى اتمنى لكل واحده فيكم الخير وبفرح لاى حد فيكم انا تجربتى ولم محدش لسى عارفنىانا متجوزه من خمس سنين وربنا رزقنى من اول يوم بحملى ببنتى مريم ولا كنت اعرف يعنى ايه تبويض ولا يعنى حجم البويضه كده بس كان بينزل منى دم وبما انها كان اول حمل فاهتميت جدا الا ان ربنا رزقنى بمريومه ربنا يخليهالى عندها 4 سنين وبعد ما كملت سنتين يعنى من سنتين فكرت بحمل والحمد الله حصل حمل عالطول وكان برضو بيحصل زى مريم ينزل دم بس انا مهتمتش قولت ده بيحصلى عادى والحمد لله الحمل نزل وانا فى التالت واديلى سنتين بعد السقط ميحصلش حمل ابتديت اقلق هو فيه ايه واكشف واخد منشطات كلوميد وحقن فوستيمون وابر تفجيريه وبرشام لهرمون اللبن ومفيش فايده كل ما اروح المتبعه تقولى الدكتوره لسى التبويض عندك ضعيف بمنشطات وكلوتوصل البويضه بالعافيه ل18 وده فى اليوم 17 من الدوره وفعلا نفسيتى تعبت جدااااا وكنت بعيط ليل وانهار وادعى ربى وخصوصا ان بنتى كبرت ودخلت الحضانه والناس كلها بتسالنى وبقيت اتعامل كانى مخلفتش اللى تخاف لما تولد منى من الحسد واللى تخاف تقولى انها حامل وبقيت نفسيتى زى الزفت ولجئت لربى وبقيت ادعى وابكى واستغفر واتصدق واخلى الناس تدعيلى وكل ما شوف حد اقولو ادعيلى واصلى قيام الليل واقرى ورد من القران وفى المطر ابكى وادعى والصدقه الصدقه اهم شئ المهم دكتوره تعبت من كتر المنشطات وقالتلى لازم تعمليلى اشعه بالصبغه عشان اشوف الانابيب قلبى وقع وعملت موضوع هنا كلكم نصحتونى اعمل الاشعه بالصبغه قولت خلاص انا الشهر ده مش هاخد منشطات وخليها طبيعى فعلا انا كنت قريت كتير على طلح النخيل وحبة البركه والجنزبيل روحت عملت خلطه فى البيت جيبت كوبايه بغطا وحطيت شويه طلح النخيل على شويه حبة البركه على شوية جنزبيل واول ما اصحى على الريق اخد منهم معلقه كبيره اخلطها بعسل نحل طبيعى واجهز كوبايتين واحده بردقوش لانى قريت كتير اوى عليه وان الرسول كان بيوصى بيه فقولت اجربو وفعلا بعد الخلطه دى اشربالبردقوش وكوباية زنجبيل بالقرفه وبليل برضو كوباية بردقوش وكوباية جنزبيل بالقرفه عملت كده لليوم 15 من الدوره وفى ايام التبويض كنت بحس بمغص رهيييب لدرجة انى خوفت جدااا كان الدوره هتنزل بس انا كنت حالفى انى مش هكشف ولا اتابع الشهر ده وعادى مستنيه الدوره عشان اعمل الاشعه اتاخرت روحت خوفت قولت لتكون الخلطه والبردقوش عملولى حاجه مش متخيله بس عشمى فربنا وبكائى اقسم بالله انا لما كنت اشوف طفل كنت اقعد اعيط وكنت حساسه جداااااا وجوزى مش مصدق يقولى هو تاخير وهتيجى يعنى منفعش معاكى منشطات وحقن هتنفع معاكى البردقوش بتاعك ابتدت تنزل منى الحاجات اللىكانت بتنزل فى مريم والطفل اللى نزل شكيت قولت دى بدايه الدورة عادى ادخل الحمام تانى ملقيش حاجه روحت خوفت واتخانقت فجوزى وقولتلوانا عايزه اكشف ليكون حمل وينزل راح بالعافيه رضى وروحت كشفت وعملت تحليل دم وكانت المفاجاه انى حامل اقسم بالله انا مش مصدقه بس ده من دموعى واقسم بالله انا كنت بدعى لكل البنات بحمل وكنت بعيط لما بنت تكتب انها حامل بس فرج ربنا ورحمته وكرمه فهو الرزاق المعطى بس بالله عليكمم ادعولى لان الدم برضو بينزلى ودكتوره عطيانى حقن ومثبتات كتيره قالتلى عندى بطانه الرحم ضعيفه ونقص فى هرمون البريجسترون ادعولى يكمل ويقر عينىويرزقنى اخاوى بنتى يا رب اللهم انى استودعك ما فى بطنى فرده الى عند مولده سليم معافى واسالك يا زو الجلال والاكرام يا ارحم الراحمين ان لاتترك مسلمه الا وترزقها الذريه الصالحه ربى انه عليك هين
مريم عبير مريم عبير فتكات رائعة Fatakat 263261 مصر – مصر
سبحان الله و بحمده