السلام عليكم ورحمه الله وبركاته
………ازيكم يافتوكاتى وحشتونى موووت وخاصه المتاخرات دعتلكم كلكم وانا بولد ربنا يتقبل منى
فاكرين الموضوع ده
تجربتى الناجحه بفضل الله في الحقن في مستشفى الحسين الجامعى
انا الحمد لله ولدت بعد عناء طول الحمل بس ولدت في الاسبوع 34يعنى في الاسبوع التانى من التامن والحمد لله ربنا نجانى انا ولادى وكنت محجوزه قبلها بشهر في المستشفى
كان عندى انميا شديده علقول محلول حديد طلع عندى حساسيه منه ومظهرتش الا بعد انتهاء المحلول وطبعا كنت في عداد الموتى وربنا نجانى بفضله اخد 11 حقنه كورتيزون عشان الحساسيه وكتمته نفسي تروح والحمد لله
بعدها جاتلى نزله شعبيه حاده مع ترجيع مستمر لمده اسبوع كنت برجع في الساعه 5 مرات طبعا اتحجزت تانى وعلقولى محاليل والحمد لله خفيت
رحت اكشف عادى في معادى عملت سونار لقيت كيس المايه 3سم تحجزت المره دى بقى تحت ملاحظه مشدده لانى كنت لسه اول التامن وبعد علاجات وحقن وتحاليل ولدت الحمد لله حموزى وعموره وزنهم كوكو خالص دخلوا الحضانه والحمد لله خرجوا سالمين دعواتكم ربنا يتم نموهم على خيييييير هما عندهم شهر ونص دلوقتى بس لسه وزنهم مكملش 3 كيلوا بس ده تقدم بالنسبه لاحجامهم ي الاول كانوا فران
الخلاصه انا حملى كان متعب جدا ومبطلتش ترجيع لاخر يوم ولاده …..قبل الحقن وقبل الحمل لازم يافتوكات تظبطوا الانميا كويس واكلك كويس جد جدا عشان متتبهدلوش زيي
كل البنات المتابعين وبعتوليا مسجات كتييير انا بدعيلكم على طووول ربنا يفرحكم ويرزقكم عاجلا ليس اجل انتم وكل مشتاق
والى عملوا حقن في الحسين ياريت تطمنونى عليكم وتكتبوا تجاربكم عشان البنات تستفيد اكتر
والى هيسالنى تؤام ازاى من بويضه واحده هقوله رحمه ربنا وكرمه عليا بعد موت كل الاجنه بتاعتى وفضل جنين واحد انقسم وبقى تؤام متشابه بجد ربنا رحمه كبييييره اوى ادعوا كتيييير وهيستجيب باذن الله
همسات ليله تائبه همسات ليله تائبه images/avatars/pacifier.jpg سوبر فتكات Fatakat 166126 في قلب زوجى – مصر