بسم الله الرحمن الرحيم
انا الحمدلله ولدت قيصيرى ومعايا طفل عنده سنه و4شهور
ولوحدى ف الغربه
وهحكيلكم كل اللى حصل بالتفصيل
بس بالله عليكم ادعو لابنى ربنا يشفيه ويحفظه
انا ولدت ف مستشفى عبيد ف الملز مع دكتوره ايمان الخولى
ولدت ف اليوم8من الشهر التاسع
السبب انى ولدت بدرى
لان تائمينى هيخلص والولاده ب8الالاف ريال برا التائمين
ومكنتش اعرف ميعاد التائمين الجديد امتى
الدكتوره حددلتى ميعاد الولاده الصبح الساعه8واروح المستشفى من 6
والصيام من الساعه 1بالليل
وفعلا روحت الساعه 6.30
عديت على وحده صحبتى اديتها ابنى ومعاه شنطه بكل اللى هيحتاجه ف اليوم ده
وطلعت ع المستشفى
عملو موافقه تانى من التائمين
وخدونى ادونى روب الولاده
سحبو منى عينه دم علشان نوع فصيله الدم وركبولى الكانيلا
وحطولى جهاز ع بطنى بيعمل رسم قلب للطفل وقاسولى الضغط
وبعدها بساعه خدونى ع غرفه العمليات
وجه دكتور البنج بقا قالى وزنك زايد خالص
وقعد بقا يحاول يلاقى فقراتى اللى كانت غطسانه ف اللحم
رحت قولتله عاوزه حاجه امسك فيها
ادانى ممرضه فلبينيه مسكت فيها البت كانت هتتكسر ف ايدى من رفعها
ههههههه اه والله وخدت الحقنه وقعدت اقوله انا لسه حاسه
قالى لوحاسه حركى صوباع رجلك طبعا مقدرتش
وكانو اشتغلو فتح بقا
وشويه وخرجو ابنى والممرضات قعدو يقولو
بووووىboy
المهم الممرضه لفته وجابته ناحيتى كان ازرق خالص
وخدته ومشيت وبعدالعمليه
طلعت ف غرفه الافاقه جنب اوضه العمليات بيحطوكى تحت الملاحظه شويه
وخرجت من غرفه العمليات ولقيت جوزى بنظره عمرى ماهنساها
حسيت ساعتها ان كل اهلى معايا
ربنا يخليهولى يارب
ورحت اوضتى وبعدها بساعه جت دكتوره الاطفال قالتى انا حاولت مع الولد يتنفس طبيعى ودعكتله جسمه بزيت بس منفعش
وعقبال مانطقت الجمله اللى بعدها كنت انهرت من البكا
قالت هو دخل الحضانه تحت جهاز الاكسجين وهيبقا كويس متقلقيش
وف التخدير كانو ركبولى قسطره شالوها بعد ماتاثير البنج راح
وابتدو يعلقو محاليل ويدونى حقن ومسكنات وابنى الكبير كان بيجى مع باباه الصبح ويروحو بالليل مع بعض
وخرجت بعد3ايام وابنى خرج معايا بس لسه ضعيف خالص
ادعوله ربنا يباركك فيه واى سؤال تحت امركم
وحشانى يابلدى وحشانى يابلدى 584496_4.gif فتكات ست الكل Fatakat 584496 الرياض – السعوديه
سبحان الله و بحمده
حضرتك ولدتى مع دكتوره ايمان الخولى ؟ وهل هى كويسه فى القصيرى ولا لا لانى ناويه اروح اتابع معاها واولد معاها بإذن الله