السلام عليكم ورحمه الله وبركاته
قل لعبادى الذين اسرفوا على انفسهم لا تقنطوا من رحمه الله
بصوا يا بنات حكايتى غريبه جدا بس حبيت اقولها من باب واما بنعمه ربك فحدث وفى نفس الوقت تستفادوا منها
وانا بنت كان عندى علطول التهبات ومكنتش بروح اكشف عشان بتكسف
اتارى الدنيا خربت من غير ما اعرف
انا اتجوزت وانا فى الكليه ولانى فى كليه هندسه كان صعب اوىىىىىى انه يكون فى حمل وانا بدرس وعموما حصل حمل بعد شهرين جواز وكان ارهاق رهيييييب عليا فى الكليه والحمل المهم خلصت السنه بتقدير جيد بس وخلفت بنوته جميله سبتها لملما تربيها من كتر تعبى واحساسى بالضغط
وهنا بدات المشكله بدات ارفس نعمه ربنا كل ما حد يجبلى سيره العيال ازعق واقول انا اتبهدلت ومش عايزه اخلف تانى وبصراحه كنت قليله ادب مع ربنا
وعشان كده ربنا عاقبنى
بعد ما بنتىبقى عندها سنتين ونصف
فى يوم بالليل حسيت بالم مميت فى بطنى جروا بيا على المستشفى الدكتور شخص انها زايده
ودخلت العمليات واذا بالدكتورالجراح بيفتح بطنى وبيزعق على اخره ومتوتر وانا شايفه مانا كنت وخده تخدير للجزء اللى تحت بس وببص لاقيت ايدهغرقانه دم
المهم خدرنى كلى والعمليه استغرقت 7 ساعات
المهم اكتشفت بعد كده انه كان عندى اكياس دم حول المبايضبحجم مهول وانفجرت
والكارثه انه استاصل مبيض
وبالمتابعه الدكتور طمنى ان الحمل هيحصل تانى عادىىىىىىىى لان المبيض اللى باقى سليم
وبعدين اكتشفت بعد فتره من تاخر الحمل ان السبب ان قنوات فالوب مسدوده
ولا يمكن يحصل حمل الا بالتسليك
وعملت عمليه تسليك وبردوا فضلت مسدوده
وخلاص وضحت الرؤيه مفيش حمل تانى ابدا
المهم كل الدكاتره نصحونى باطفال الانابيب
وحسيت ساعتها اد ايه انا افتريت على نعمه ربنا وحمدته على البوته اللى معايا وخلاص سكتت على كده
بس اكتشفت ان الاستغفار والدعاء كانوا سبب الكرامه من عند ربنا
بعد سنتين كمان من الستغفار ودعاء ربى لا تذرنى فردا وانت خير الوارثين
فى يوم اتاخرت البريود شهر بحاله وكانت عملتها معايا قبل كده مرتين وكل مره قلب يوقف من الفرحه واصدق انى حامل وتطلع فطشه
المهم انى طلعت برحمه ربنا حامل وخلفت ولد اسمه ادهم زى القمر
وعنده دلوقتى 3 سنين
ربنا يباركلى فيهم
المهم يا بنات انا حكيت حكايتى بالتفصيل عشان تستفيدوا
وتتكادوا ان كل شىء بامر الله بس ما تزهقوش ولا تملوا من الدعاء
كتكوته وصغنطوطه كتكوته وصغنطوطه 197455_1.gif فتكات رائعة Fatakat 197455 جده – السعوديه