السلام عليكم يا اخواتى انا عاوزه احكيكم تجربتى المريره والمحزنه مع دكتور محمد ابو زيد للتجميل
مبدئيا انا عملت عنده شفط دهون ونحت ليزر قبل العمليه الدكتور قالي الاماكن اللي هنشفط منها الدهون مستحيل تتخنى فيها تانى عشان احنا هنشيل الخلايا الدهنيه كلها فمش هتتخنى في الاماكن دى تانى و لما سألته عن اثار العمليه هتسيب علامات ولا لا و قلتله انى عروسه قالى لا ابدا دا انتى مش هتبقي عارفه انتى عملتى العمليه فين ولا هتشوفي اى اثر و هتلبسى كورسيه لمده اسبوعين و سألته طب في وجع يا دكتور و اقدر انزل الشغل من امتى قالى لا الالام مش شديده قوى هتحسي كأن حد ضربك بس و تقدرى تنزلي الشغل بعد 3 او 4 ايام و عملى البحر طحينه و عملت العمليه
شوفوا بقا اللى حصل
اولا: فضلت 8 ساعات في العمليه بنج كلي مع انه قال ما فيش بنج كلي هتاخدي بنج نصفي و قبل ما امشى دفعونى 1500 جنيه فلوس الكورسيه دا غير فلوس العمليه و الكورسيه كله ميجبش 300 جنيه لما سألت عليه بعد كده
ثانيا : اول ما راح مفعول البنج حسيت بوجع رهييب في كل حته في جسمى كأنى دايس عليا قطر والله ما ببالغ و اتصلت بيه و انا بموت من الوجه زعقلي و قالى اعملك ايه انا مش فاضى للدلع دا شوفي حد يجيبلك ترامادول وخدى واحده كل يوم (تخيلوا)
ثالثا: الوجع فضل في جسمى بنفس القود لمده شهر مش بقدر ادخل الحمام ولا عارفه انام ولا اقعد ولا في وضع مريحنى و طبعا اترفدت من شغلي حسبي الله
رابعا: بعد ما ابتديت امشي روحت للدكتور و قلتله يا دكتور انا مخستش ولا جرام و جسمى اتنفخ اكتر قالى عادى جدا دا شيء طبيعي انتى جسمكوارم من العمليه و محتفظ بالميه و كتبلي علي ادويه بتنزل الميه و ادويه عشان العلامات اللى عملتها العمليه في جسمى و قالى تعالى بعد اسبوعين و اسبوعين ي اسبوعين في اسبوعين بقالى 4 شهور عامله العمليه خلانى اشتري ادويه عدت ال 7000 جنيه من يوم العمليه لدلوقتى كنت داخله العمليه 64 كيلو دلوقتى داخله علي ال 80 كيلو مع العلم ان طولى 150 سم التشوهات في جسمى شكلها رهييب والله جسمى كله خروم سم و نص سم لونها اسود عير ان العمليه عملتلى حروق في رجلي كبيره وشكلها بشع و الخروم دى في ركبي ال اتنين و في درعاتى الاتنين يعنى لا هعرف البس شورت ولا نص كم حتى دا غير انى عروسه و مش عارفه هتجوز ازاى بجسمى المنفخ دا و المشوه انا تخنت جدا جدا جدا و صدرى كبر قوىىىىى مع انى معملتش فيه اي حاجه و كان عندى وسط و جسمى مرسوم كل دا اختفي و بقيت مربعه بجد حسبي الله ونعم الوكيل
منوله نونا نولا منوله نونا نولا فتكات جديدة Fatakat 904237 القاهره – مصر