مساء الخير على كل الناس الحلوين
ويارب عيد سعيد على الكل ..
وكل بنوته مش مخطوبه العيد الجاي تبقى بتجهز شقتها مع خطيبها
وكل بنوته مخطوبه تبقى العيد الجاي منورانا فى المطبخ هنا وبتورينا شغلها وأكلاتها الحلوه مع عريسها
وكل عروسه زيي تبقى العيد الجاي معاها نونو بــ يجري ويتشاقى فالبيت ويخليها ماتعرفش تصور الاكلات من شقاوته
هههههه
مش عروسه ولا حاجه انا متجوزه من سنه و 3 شهور .. بس بما اني لسه مش ماما فـ هعتبر نفسي عروسه
….
بــ مناسبة العيد بقى يا بنوتات يا قمرات .. جيبالكم النهارده طبق جديد من ابداعي الخاص ..
يارب يعجبكم ..
طبقنا مكون من ..
صوص اولا
ومكوناته ..
معلقتين صلصه على كوباية شوربه على 3 فصوص توم على بصلايه وكلهم ينضربو في الكبه ..
…
باقي المكونات
بصلتين
عودين شطه خضرا
شبت او بقدونس
بطاطسايه ..
لحمه
بهارات (فلفل اسمر+ملح+كمون)
قطعة فحم
…
اول حاجه هنحضر الــطاجن بتاعنا اللى هندخله الفرن
هنصب فيه الصوص
ونحط فوقه شرايح الطماطم والبصل وحبة توم مفروم
بعد كدا هــ نحط فوقهم اي قطع من الدهون البيضا عشان تسيح تحت اللحمه وتديها طعم
وفوقها نحط عيدان الشبت او البقدونس عشان بتديها ريحه رائعه فى الفرن ونحط فوقها اللحمه
وبعد كدا نحط شرايح البطاطس
ونضغط عليها بــ إدينا عشان نخليها قريبه من الصوص اللي تحت ونكبس كله فوق بعضه عشان مفيش حاجه تطلع ناشفه
الخطوه دي مهمه .. من اول شريحة بطاطس فى الطاجن كده حاولي تضغطيهم كلهم
ونرش البهارات بتاعتنا
ونحط فى الاخر نص كوباية ميه متقلب فيها شوية ملح ..
وبعد كدا ندخل الطاجن فى الفرن على نار هاديه جداا
وسبيه بقى براحته خاااااااااااااالص لحد ما يدوب
انا سبته اربع ساعات : )
بس على نار شمعه
ودلوقتي الطاجن بعد ما طلع
ونحرق فجمه على النار ونحطها على قطعة ورق فويل صغيره وفوسط الطاجن ونحط عليها معلقتين زيت ونغطيه فورا
ونسيبه عشر دقايق ياخد طعم وريحة الفحم
وطبق كمان بـ الصوص بتاع الطاجن
عشان تعرفوا اني مش حرماكم من حاجه لازم تشوفوا
قصدي لازم تجوعوا
وطبق الرز بقى عشان مايزعلش
بس كده
وعيد سعيد عليكم وكل سنه وكلكم بـ خير يارب
حبي وتقديري
غادة إبراهيم
مواضيع هذا القسم برعاية
روح الرومانسية روح الرومانسية 183019_6.gif سوبر فتكات Fatakat 183019 الغـــــــردقــــــه – مصـــــــــــر