السلام عليكم ورحمة الله وبركاته
ازيكم يا عرايس
بصوا يا جميلات .. اكيد طبعا دلوقتى انتم جميلات بما انكم قربتم تتجوزوا
الموضوع وما فيه ان للاسف كل بنت او معظم البنات بيبدأو يهتموا بنفسهم وبشرتهم وجسمهم
لما يتخطبوا … طيب وليه كده ؟؟؟
عشان بيبقى نفسها زوجها يشوفها اجمل بنت فى العالم
طيب وايه المشكلة لما نتهتم بنفسنا برضه قبل ما يجى ابن الحلال
كمان اول ما البنت بتتخطب بتبقى متلخبطة وتايهة ومش عارفة تعمل لنفسها برنامج تزيين لانها مش متعودة على كده ..
وكلنا بنبقى عندنا مشاكل
خطوط بيضا – ترهلات – تخن – خسسان – سيلوليت – مناطق غامقة فى الجسم – شعر ضعيف وهايش
وحاجات كتيرة
طيب تعالوا نتعاون يا عرايس فتكات وكل عروسة فتوكة تدخل الموضوع
تكتب لنا ازاى بتهتم بنفسها فى فترة خطوبتها عشان تكون اجمل عروسة
وتنصح البنات اللى لسة ما اتخطبوش بإيه عشان ما يتزنقوش بعد الخطوبة ويبقى مفيش وقت .
وعلى فكرة انا عملت الموضوع ده عشان انا كمان استفيد من خبراتكم
بينى وبينكم عندي بلاوى برضه نفسى احلها .
يلا ورونا بقى خبراتكم الجميلة وكل عروسة تقول البرنامج بتاعها
فرحة قلبي فرحة قلبي فتكات حبوبة Fatakat 277279 بلدى – وطنى