ازيكوا يابنات ياقمرات
الجو اليومين دول برد …برد بغلاسة
واحلى اكلة فى البرد ده العدس اللى يدفى ويدى طاقة وياسلام عليه بالبصل
هتقولوا ماكلنا بنعرف نعمل العدس
اقول كل شيخ وله طريقة
فيه ناس بتعمله بالرز وتطشة بالبصل
بس انا بعملة مختلف عن كده وعشان حبايبى اللى بيتعلموا الاكل يعرفوا الطريقة دى
هنا غسلت العدس وحطيت عليه ميه
قطعت عليه بصلة وطماطم واحدة وبطاطس واحدة وجزرة
رفعته على النار لحد مااستوى
ضربته فى الخلاط وصفيته
بعد ما صفيت العدس
حبة شعرية حوالى معلقتين كبار
وحمرتهم فى معلقة سمن
هنا اتحمروا وحطيتهم على العدس لحد الشعريه مااستوت
وطبعا كنت ظبت ملح العدس وحطيت عليه شوية كمون
راس توم صغيرة وفرمتها وحمرتها فى معلقة سمن بلدى
شامين ريحه الطشة
طشيت التوم على العدس وقلبت
وده بقى احلى طبق عدس فى البرد ده
وده البصل لوزم الاكلة المتينة وعليه شوية خل
وكمان طماطم مخللة وعيش سخن واديهااااااااااااااااااااااااااااااااااااااااا
ايه رايكوا بقى
فى امان الله ياقمرات
مواضيع هذا القسم برعاية
تونة555 تونة555 295489_32.gif Fatakat 295489 الجيزة – مصر