بصوا يا جماعه انا مش هطول عليكوا أنا دلوقتي المفروض أعمل عملية الناسور دي وهعملها على الطريقه المفتوحه الدكتور قال عشان ميرجعش تاني وقلقانه جدا من فكرة العمليه
عندي ليكوا دلوقتي طلبين
الطلب الأولاني تدعولي ربنا يشفيني و يهون عليا ويطمني عشان خايفه جدا
الطلب التاني عايزه حد يقولي المفروض اعمل ايه قبل العمليه الدكتور قالي اعمل سويت ف المكان دا قبل العمليه بس انا عشان بنوته ولسه عندي 19 سنه معملتش الحوار دا قبل كدا ومش بشيل الشعر من المكان دا ف جبت كريم اسهل .. ينفع ؟
و لو حد يطمني العمليه ايه نظامها صعبه ولا سهله ولا نص نص وهل المريض بيقعد فتره طويله ف السرير ولا ممكن يقوم ويتحرك ويروح الجامعه ف نفس فتره التغيير على الجرح وكدا ؟
وسؤال تاني غريب أنا عارفه بس يهمني .. لو حد عمل العمليه دي أنا عارفه انها بنج نصفي بس عايزه اعرف الدكتور بيركب للمريض قسطره بوليه ولا ملهاش لزمه لأن العمليه مش بتاخد وقت طويل ؟؟
يعني يا ريت اي حد مر بالتجربه دي يفيدني بأي معلومات و لو حد ناوي يهول الموضوع ارجوكوا يمتنع عن الرد !
وشكرا ليكوا ويا رب يعافي كل مريض ويمتع كل صحيح يصحته
dr.noon dr.noon فتكات نشيطة Fatakat 704341 بنها – مصر