السلام عليكم ورحمه الله وبركاته
ازيكم يا بنات
عاملين ايه
واخبار الرجيم اللى تاعبنا كلنا ايه يارب نخس كلنا على خير
انا جات فى دماغى كده فكره رجيم عباره عن تعديل لرجيم اللى هوا صنف واحد فى اليوم يبقى بداله صنف واحد فى الوجبه ده ممكن يبقى سريع شويه وفى نفس الوقت مش ممل اوى زى رجيم صنف واحد فى اليوم وممكن ميكونش خطر زيه عشان فيه تنوع
بس عشان مكونش مسئوله انا معرفش هوا صحى ولالا 100 %
بس ممكن نعمله لو حد عايز يخس حبه بسرعه تشجيع ومش يعمله كتير
ايه الرغى ده انا رغايه اوى
ادخل فى الموضوع
الرجيم هوا صنف واحد فى الوجبه
يعنى فى كل وجبه تاكلى صنف واحد بكميه معتدله ما عدا الكربوهيدرات والدهون والسكريات
يعنى صنف بروتين او فاكهه او خضار وممكن حد ياكل صنف واحد نشويات زى البطاطس من غير ملح مره او 2 او 3 فى الاسبوع
وعشان يبقى فى تنوع عشان الجسم ميتعودش على رجيم معين ممكن نخلى يوم فى الاسبوع فيه صنفين فى كل وجبه ويكون فى حصه واحده نشويات فى اليوم ده فى الفطار او الغدا
ويومين فى الاسبوع يكونو صنف واحد فى اليوم
ايه رايكو فى التاليف ده : )
وممكن لو حد حس انه تعبان ياخد فيتامين معاه
ايه رايكو فى الرجيم ده
لو عجبكو نشجع بعض ونعمله سوا نجرب
ويااارب نخس كلنا على طول
بس ياريت كل واحده تدخل تقولى رايها بناء على خبرتها العريقه فى الرجيم : )
ورايى انا عشان الامانه احسن حاجه زى ما الدكاتره بيقولو الرجيمات المتوازنه والرجيمات السر يعه ممكن حد يجربها لو عايز يتشجع او وزنه زياده اوووى وميكونش مده كبيره ده
bent_masria234 bent_masria234 فتكات رائعة Fatakat 498248 القاهره – مصر
سبحان الله و بحمده