فتوكاتى حبيباتى سالخير عليكو
انا جاية ومبسوطة عشان وزنت نفسى النهاردة لقيتنى رجعت لوزنى وانا بنوتة مش هقولكو دلوقتى كام
وخلونى ادوشكو واحكيلكو قصتى مع الحمل والوزن
انا بدات حمل وانا 60 كيلو……….ووصلت ل 75 كيلو ودة كتير اوى
بعد الولادة باه لقيت نفسى 67 ومش راضية اتزحزح وده كان بعد الولادة ب 3 شهور بالظبط
المهم جيت فى يوم ووقفت عالميزان وصورت نفسى والميزان بيقول 67
وقولت الصورة الجايه هتبقى 60 ان شاء الله
وبدات المشوار هقولكو عملت ايه
اولا: لغيت حاجة اسمها مقليات من حياتى وبقيت ادور على وصفات خفيفة وصحية ولقيت
ثانيا: استبدلت الحلويات بالفواكه
ثالثا: اللبن والزبادى خالى الدسم
رابعا: بعمل الاكل عادى بس بنص كمية الزيت او السمن اللى متعودة عليها
خامسا: لما بصحى الصبح بشرب 3 شوب ميه وبعدها بربع ساعة كوباية عصير اناناس بدون سكر وبعدها بربع ساعة كمان بفطر عادى جدا ولا جبنه قريش ولا توست والكلام الفكسان ده هتقولولى ازاى اقولكم فى سيزر او بيور وطعمه حلو انا سمعت ان الاناناس بيتعمل منه ادوية التخسيس فاقولت مبدهاش
سادسا: اشربى ميه على قد ماتقدرى طول اليوم
بس كدة
نيجى للمفجاة انا بقيت 57 كيلو وطولى 160 وبرده منستش اصور للزكرى
المفجاة الاكبر جوزى كماااااااااان خس لانه بياكل معايا وبقى احنا الاتنين اخر رشاقة
بس الكلام ده اخد 4 او 5 شهور تقريبا
انتى باة لو معرفتيش تخسى يارب اكون فدتك ولو عرفتى احكيلى عملتى ايه
؟؟؟؟؟؟
empress empress فتكات نشيطة Fatakat 352805 الزقازيق – مصر