سلام عليكم
انا عشت حياه صعبه طول عمرى لحد دلوقتى بالاخص لما مامتى ماتت مبقاش ليه حد و محدش عايزنى المهم احنا كنا عيله متوسطه مش هقول فقرا بس اهه على القد و انا من صغري بحلم يبقي عندى شقه كبيره و عربيه و اتجوز واحد قمور وغنى و كده المهم لما ماما ماتت اتهزيت اوى و حسيت بالغربه عن كل الناس و رجعت انام في سريرى لوحدى ادور على ماما مالقيهاش وكان قلبي بيتقطع و المشاكل الى عشتها كرهتنى في الدنيا مبقاش ليه حتى بيت اعيش فيه المهم اعتمدت على نفسي و قلت لماربنا خلى ماما تسيبنى يبقي عارف انى قويه و انى مبقتش محتاجاها و انى اقدر اعمل كل حاجه لوحدى ومن هنا فقت لنفسي تانى بس حاجه مكسوره جوايا و عيلتى بقت تقول انى قويه و استقويت على اخواتى و كلهم اكبر منى و كنت بعرف اخد حقي و كملت الجامعه و كنت بشتغل و بصرف على نفسي و اخويا الى كنت عايشه معاه كمان و كنت بحوش فلوس وبلبس احسن لبس و كنت بتمتع بحياتى اوى اوى وكانو اصحابي هما كل حياتى اهلى مايعرفوش عنى حاجه خالص ومن قوتى معاهم لغيتهم كلهم من حياتىكل الى داسو عليا و نسيونى وماسالوش فيه نسيتهم و لما جيت اتجوز كان ممكن اتجوز واحد غنى وبايظ بس كان ربنا معايا و ختارت صح انسا بمعنى الكلمه طيب و بيحبنى و انا اول واحده في حياته و من حبه ليه راحت شخصيته قدامى و بقيت انا كل حاجه اعمل الى انا عاوزاه و عرفت بعد الجواز ان اعمل لنفسي كل حاجه و غيرت الشقه و اشتريت عربيه و خلفت وقت منا عايزة كل حاجه زى مانا عايزة لحد ما مونى المراه الحديديه لانى بفهم في كل حاجه اقدر ابيض الشقه و اركب الشباك و حاجات كتير متقدرش تعملها ست غيرى وانا الى بعت الشقه القديمه وانا الى اشتريت العربيه و انا الى بساعد اخواتى و بحل مشاكلهم المشكله منكتر الضغوط الى عليه بحس انى هطق بقوم كل يوم الصبح ورايا 100حاجه رايحه اعمل لاخويا اوراق المحل عليه مشكله ابنى متاخر في الكلام ولازم اهتم بيه اكتر جوزى مش مرتاح في شغله و بيقوللى حليلى المشكله دى انا مش هكمل في الشغل ده اخويا بيكدب كتير و محدش عارف حقيقته ايه بس هو مش دغرى و مابيسالش فيه الا لما يكونعاوز حاجه وعيلتى دلوقتى بييجو عندى عشان يتفرجو على الى انا عملته و اشوف عنيهم و هما مبهورين وكل واحده تقول ياريت بنتها زيي بس مش ممكن تكون زيي انا شفت الى محدش شافه مشاكل في الجامعه و افي الشغل و في البيت لحد مابقيت كده اى مشكله هى اقل منى وسهله اوى بس طوحى هيموتنى دلوقتى انا لسه في الشقه دى مبقاليش سنه و بقيت افكر اغيرها و انا كنت هتتجنن واشتريها اصلا و بعت العربيه في اقل من شهرين مالحقتش اتهنى بيهااصلا و جبت واحده احسن و فكره التغيير في بالى على طول لدرجه انى بفكر اغير جوزى عارفه انكم هتضحكو عليه بس والله دى الحقيقه مش عيب فيه بس ساعات اقول لنفسي انا عملتله كل الى هو عايزة وزياده عنده ولاد و بنات و شقه جميله و ست جميله خلاص بقي كفايه عليه كده و ارجع احس انى اتجننت خلاص ولو كنت مع عيلتى مثلا و الاقيهم بيبصو على دهبي ولا حاجتى و عيالي عشان هما الحمد لله جمال اوى و دمهم خفيف اوى يقولو دانتى لو سبتى جوزك هتلاقي احسن منه الف مره هو كان يطول يتجوز واحده زيك وكلام من ده كتير انا بالنسبه لنفسي حققت كل حاجه وبقول الحمد لله ان انا لسه صغيره بس هى افكار التغيير الى مزهقانى ولو قلتى انى عندى حاله نفسيه انا مش هزعل وساعتها عقول لنفسي لما انجح في كل حاجه و افشل في حاجه واحده مش مهم عارفه انا على طول بغير نظام الشقه احط الانتريه هنا السفره هنا و المرايسات هنا وده هنا زهقت من التغيير ولما بكون مش قادره اغير حاجه ببقي مخنوقه منها قوليلى اعمل ايه
شبكه الاحزان شبكه الاحزان images/avatars/peppers.jpg فتكات نشيطة Fatakat 260058 بلاد الله الواسعه – دوله الايمان
سبحان الله و بحمده