انا بجد تعبت اوى اوى اوى من احساس انى عامله دايت
وكل ما تجيلى فرصه ابهدل الدنيا مانا محرومه بقى
قررت مش هعمل دايت خلاص وهعمل التالى
وياريت اللى مش قادر يعمل دايت يعمل كده1- شرب 3 لتر ميا فى اليوم يعنى حوالى 12 كوبايه
هنقسمهم ازاى
2 كوب ميا قبل كل وجبه يعنى 6 كوب
وهيتفضل 6 كوبايات
كل ساعه نشرب كوبايه وابعد عن شرب الميا قبل ما نام بساعه على الاقل علشان مندخلش الحمام كتير بليل
لانى زمان كنت بشرب 2 لتر على 3 مرات وعرفت ان كده الجسم مش بيستفيد بيه لازم كل ساعه اشرب ميا كده استفيد اكتر تمام كده اوى اوى
2- قبل الفطار بربع ساعه نشرب 2 كوب ميا وافطر وقبل الغدا بربع ساعه نشرب 2 كوب ميا وناكل طبق سلطه او خضار الاول وبعدين ناكل بقى الغدا بتاعى العادى ومش لازم نقوم من على الغدا واحنا مش قادرين نتنفس نحن قوم اذا اكلنا لانشبع والعشااااااااااء قبله بربع ساعه 2 كوب ميا ونتعشى يا ثمرتين فاكهة يا بيضه وربع رغيف
يا كوب زبادى وثمره فاكهة
3- هنشرب 2 شاى اخضر كل يوم وبحب الشاى اللى بالنعناع بدون سكر
4- هنمشى فى البيت وايه يعنى لو معندكيش جهاز والتمارين دى بتشد الجسم وجميله اهى
5- لو فى حلويات هناكل قطعه قد علبه الكبريت سواء شيكولاته او بسبوسه بقى وهنحاول منعملش كده الا فى اضيق الحدود
6- مش هناخد اكتر من معلقتين سكر فى اليوم
7- هنخلى العيش دايما يا عيش سن يا توست سن وهنخلى الجبنه قريش وهنخلى اللبن خالى الدسم
بـــــــــــــــــــــــــــــــــــــــس
والله انا قررت اعمل كده لانى تعبت ومش عارفه اعمل دايت
واى واحده تعبت من الدايت تحاول تعمل كده
يارب الموضوع يكون فادكم لاننا معذبين بسبب الدهون اللى راكزه على قلبنا دى
ميوية الشرقاوى ميوية الشرقاوى فتكات ست الكل Fatakat 42429 المدينه اللى جمب البلد اللى جواها الشارع اللى انا ساكنه فيه الدور السادس – عايشه فى حمايتك يارب