السلام عليكم ورحمه الله وبركاته
اذيكم يااحلى اخوات ….
اللى عايزة تعمل ليزك وقلقانه اقولها متخافيش وتروحى تعمليها بجد جميلة جدا واحسن من النظارة والعدسة مليوون مرة
اقولكم بقه التفاصيل
اولا . انا كنت بلبس لينسيز وانا خارجة وفى البيت بلبس النظارة فقررت اعمل العمليه عشان ارتاح من الوش ده
سالت على دكتور كويس فى المحله عندنا وروحتله كشفلى نظر وقالى انتى عندك كام سنة قولتله 22
قالى انتى اخر مرة كشفتى فيها امته قولتله من 2024 قالى انتى عنيك مش بتتعبك قالتله نوو
طبعا كشفلى نظر وقارن نظر النظارة اللى كانت معايا بالكشف لقى ان نظرى ثابت ومتغيرش
وبعدين قالى انتى بتلبسى لينسيز قولتله اه قالى يبقى تلبسلا النظارة بس لمده اسبوعين وبلاش الينسيز وبعدين اروح اعمل اشعة فى المركز واجبهاله ….
رحت عملت اشعه بعد اسبوعين ووديتهاله طلعت كويسه قالى تجيلى السبت اللى هو 1/1 مركز طنطا عشان هعملها
يوم السبت بقه روحت الساعه 9 صباحا قعدت شوية وبعدين ممرضه اخدتنى ودخلتنى اوضه لبستنى بالطوا
وطقيه على شعرى وحطتلى قطرات
وبعدين دخلت العمليات بصراحه انا شفت المنظر اترعبت لقيت سرسر والدكتور وبنتين ممرضات وشابين دكاترة تقريبا برده كلهم واقفين حوالين السرير ولبسين كمامات وبالطوهات
قولتلهم ايه ده دا انا جاية اعمل ليزك الدكتور قالى احنا عارفين وقعدوا يضحكوا على شكلى ..
المهم نمت على السرير والممرضه غطتنى وواحده فيهم قالتلى غمضى عنيكى وحطتلى بيتادين عشان التعقيم
وبعدين فتحوا رموشى بملقاط كده عشان مرمشى وغطولى عينى التانيه بلزقه
ويعتبر شفت كل حاجه عادى جدا وحسيت بحاجه كده ضغطت على عينى وبعدين مشفتش حاجه خالص …
حطولى قطرة رجعت شفت عادى وبعدين قعد يعمل حاجه صوتها زى الشنيور كده وشميت ريحت شياط ههههههههه
الدكتور قالى عادى ده الليزك وطمنى بس وغسل هينى بقطرات وغطاها واشتغل فى التانيه الموضوع كله ربع ساعه
وبعدين قمت محسيتش باى حاجه خالص عادى ونظرى كان زى ماهو
كتبلى على 3 قطرات بس
وقالى اشوفك فى العياده بليل .. روحت بليل اطمن على عينى وقالى تجيى بكرة اشيلك العدسه مش عارفه عدسة ايه المهم روحت تانى يوم شالى العدسة حسيت ان نظرى اتحسن وبقيت شايفه كويسة
بس الحمد لله محسيتش ولا بصداع ولا بززغلله الحمد لله…
والحمد لله دلوقتى بقيت تمام ومارست حياتى بشكل طبيعى بس اهم حاجه مدعكشى فى عينى ولا تيجى عليها ميه فى الفترة الاولى
احلاهم اتحداهم احلاهم اتحداهم 109299_2.gif سوبر فتكات Fatakat 109299 قلب حبيبى – روح قلبى مودى