عملين اية يا قمرات
بجد وحشتونى اوى وعلشان منرغيش كتير
انا عملت موضوع قبل رمضان
كنت ماشية مع دكتورة وسبتها فقولت اعيد تانى رجيماتها
انا والي عايز يكون معايا فى فتكات
بس الكل كسل قبل رمضان
وانا كمان معاهم كنت وصلت فى رمضان 83
وجيت بعد العيد 86 وكسور كمان
حاولت انى ارجع انظم اكلى بس لسة مش عارفة اقوى بعد
الحلويات الكتير فى العيد بحس بدوخة
فبقلل بالتدريج
وقولت ارجع لصحباتى حبيباتى اللى كانو معايا
فى الجروب اللى فات وكمان اللى عاز يبقى معانا اهلا وسهلا
بس المرة دىهنمشى على نظام صحى اكتر
الرجيم المثالى للدكتور اسامة حجازى
ونضيف علية حبة نصائح وارشادات اللى الدكتورة
كانت مديهالى
الرجيم بقة زي ما حتعمليه بالضبط
ليكي 2 ملعقة سكر في اليوم وزعيهم زي ما انت عايزة علي اليوم
الافطار :
1-شرب المشروب السحري الحارق قبل الافطار ب نصف ساعة
2-شرب 1 او 2 كوب ماء كبير قبل الاكل مباشرة (و ليس بعده او اثناءه ابدا)
3-اختاري حاجة واحدة من(1 بيضة مسلوقة او 3 ملاعق فول بدون زيت او قطعة جبنة قريش او قطعة جبنه نستو او قطعة طعمية واحدة)
4-نصف رغيف عيش بلدي (ثابت معايا في الفطار)5-كوب شاي او قهوة بدون سكر.
(لازم تختاري حاجة من كل خطوة من الخمسة يعني مثلا فطارك النهردة حيكون:
شرب المشروب الحارق+الماء+بيضة مسلوقة+نصف رغيف العيش+كوب شاي بدون سكر)
الغداء:
1-شرب المشروب السحري الحارق قبل الغداء ب نصف ساعة.
2-شرب 1 او 2 كوب ماء كبير قبل الاكل مباشرة (و ليس بعده او اثناءه ابدا)
3-اختاري واحد مما يلي:
2 قطعة لحم مشوية او مسلوقة او ربع فرخة مشوية او مسلوقة او 2 سمكة مشوية او علبة تونة مصفاة من الزيت تماما او التونة اللي في محلول ملحي مصفاة بردو او 2 بيضة مسلوقة)
4-اختاري واحد مما يلي:
نصف رغيف عيش بلدي او 5 ملاعق ارز مسلوق او 5 ملاعق مكرونة مسلوقة مغسولة كويس
5-طبق سلطة كبييير علشان تشبعي و اختاري من الاتي زي ما انت عايزة مش شرط كل المكونات دي(طماطم- بقدونس- شبت – كرفس -فلفل رومي- بنجر – جزر – خيار- خس).
6-طبق خضار (مش لازم ني في ني علشان متزهقيش ممكن خضار عادي من المطبوخ في البيت) لكن ابعدي عن الخضار اللي فية بطاطس او فاصوليا بيضاء لانهم مشبعين نشويات.
7-ثمرة فاكهة يفضل ان تؤكل بعد ساعتين من الغداء و الفاكهة المسموح بها هي:
برتقال – تفاح – يوسفي – بطيخ – جوافة – خوخ – 5 فرولات – 3 مشمش
(لازم تختاري حاجة من كل خطوة من السبعة يعني مثلا غداك النهاردة حيكون:
شرب المشروب الحارق+الماء+ربع فرخة مشوية+5 ملاعق ارز مسلوق+طبق السلطة الكبير+ طبق خضار صغير كوسة+ 1 يوسفي ) بس انت تقدري تاكل دول و ابقي قابليني لو جعت تاني
العشاء:
هام جدا جدا انه يكون قبل النوم بساعتين علي الاقل علشان يلحق يتهضم مايتخزنش في الجسم
1-شرب المشروب السحري الحارق قبل العشاء ب نصف ساعة.
2-شرب 1 او 2 كوب ماء كبير قبل الاكل مباشرة (و ليس بعده او اثناءه ابدا)
3-اختاري واحد مما يلي:
* كوب شاي بلبن + 2 بقسماط (بدون سمسم يكون افضل علشان الدهون اللي في السمسم)
* كوب زبادي + (خيار + طماطم او بدلا منهم ربع رغيف عيش)
* قطعة جبن قريش + (خيار + خس او بدلا منهم ربع رغيف عيش)
*طبق جيلي بدون سكر+ ثمرة فاكهة من المسموحة
(لازم تختاري حاجة من كل خطوة من الثلاثة يعني مثلا عشاك النهاردة حيكون:
شرب المشروب الحارق+الماء+ قطعة جبن قريش + خيار + خس)
يا بنات المشروب الحارق هنزلة بس اللى عندها اى مشاكل
فى المعدة او مش بترتاح علية
متستمرش وكفاية انها تزود الاكل مثلا جنزبيل وفلفل ولو حبت قرفة
وهيقوم برضو بتعلية الحرق وممكن تشرب شاى اخضر
انا كنت بعمل كدة وبجيب شاى اخضر ليبتون علشان بيكون اخف من السايب
ملعقة قرفة + 2 ملعقة زنجبيل + 2 ملعقة شاي الصين الاخضر + 2 ملعقة نعناع + 2 ملعقة كمون
و تضعي المكونات دي في 3مجات مياه كبيرة و تغليهم علي النار يادوب دقيقتين و تطفي و تغطيها علشان الزيوت الطيارة متروحش منها و بعد ساعة صفيها في برطمان زجاجي و بكده يكون عندك 3 كوبيات بتوع النهاردة جاهزين للشرب قبل كل واجبة.]
ودا يبانات لينك الموضوع الاصلى للامنة
وتقديرا منى على تعابهاومجهودها الجبار ربنا يجزيها كل خيرالرجيم المثالي ل د اسامة حجازي معلومات جديدة +صور+ المفاجأة ملفات وورد للمتابعة+فيديو
https://fatakat.univanet.com/#2226262
نيجى بقى لنصايح الدكترة ودى مهمة جداجدا وجقيقى بتفرق كتير
1/لازم قبل كل وجبة بربع ساعة نشرب 2كوب ماء كبير
2/ممنوع شرب الماء اثناء الطعام او بعدة مباشرتا
3/ممنوع الاكل بين الوجبات وعند الاحساس بالجوع يمكن اكل2 ثمرة خيار او جزر او نص خساية بشرط ان تكون بعد الوجبة الاساسية بساعتين على الاقل
4/عدم تقسيم الوجبة الوحدة(يعنى لو شبعتى قبل الوجبة متخلص متكمليهاش كمان شوية لأ دة وجبتك خلصت)
5/:تنظيم اوقات النوم ولازم يكون ليلا ولا يقل عن 7ساعات
(يعنى النوم بدرى والصحيان بدرى بيظبط عملية الحرق فى الجسم لان الحرق بكون فى اعلى معدلاتة فى الصباح
وبيقل تدريجا)
6/ ممنوع الاكل بعد الساعة 8 ولكن مسموح بالمشروبات التى تزيد الحرقوتكون من غير سكراو بسكر كاندريل فقط لا غير
7/شرب من 2الى3 ليتر ماء يوميا
8/ممارسة الرياضة نصف ساعة يو ميا على الاقل
وبكدة يا بنات انا خلصت وخليصت
ياريت يابنات اللى حبه تشترك تلتزم ومتكسيلش
الوقت بيعدى واحنا عمالين نقول عايزين نخس بالكلام
ومش بنفذ ولا بنوصل لحاجة
انا عارفة ان الموضوع مش سهل بس دا فى الاول بس
والله بعد كدا هتخدى على الاقل القليل
ومش هتحسى انك عاملة رجيم وتقدرى تعيشى سنك وحياتك صح
تلبسى اللى نفسك فية وتحسى بثقتك فى نفسك بزيادة والله انا
بقالى4شهور فى موضوع الرجيم دة جسمى بيحرق بطئ اوى
خسيت حوالى 9 او 10 كيلو طبعا على المدة دى قليل
بس انا بعد اول 6 كيلو بقيت برحتى بخس وبزيد بس باخد بالى
علشان مش عايزة ارجع زى الاول
مقلكوش كل اللى يشوفنى يقولى خسيتى ببقى فرحانة قد اية ودا اللى بيشجعنى انى كل ما ابعد ارجع اكمل ومياس علشان الياس هيجيبنى لورا بزيادة والموضوع هيكون صعب انى ابدء من الاول
انا طولت عليكو اوى بس والله الكلام دة كان لازم اقولة علشان اشجع اى واحدة بتخش تقرى اى موضوع عن الرجيم وتقول دا مش ليا انا عمرى ماهخس انا كنت كدة
والله لو وحدة بس كلامى اثر فيها وبدت وكملت انا هبقى فرحانة اووى
كل وحدة تدخل تكتب طولها ووزنها وعايزة تخس قد اية
وهنبدئ من النهاردة ان شاء الله
وياريت دعوة حلوة بصلاح الحال وربنا يهديلى اولادى
طاطا و موزو طاطا و موزو 825836_1.gif فتكات متميزة Fatakat 825836 القاهرة – مصر