السلام عليكم ورحمه الله وبركاته
انا الحمدلله ولدت من كام يوم
احكيلكم علي اللي حصل بقي عشان محدش يزعل لو الدكتور حددلها قيصري
انا رحت للدكتور اخر يوم بالتاسع ومفيش اي علامات ولاده المهم الدكتور قالي هسيبك تلات ايام لو مولدتيش يبقي هولدك قيصريه انا سمعت كده وفضلت اعيط وزعلت ان كل شي طبيعي ووضع البيبي كويس والحوض كويس وفي الاخر افتح بطني مع العلم اني كنت تعبانه جدا من اول التاسع فبرضو صعب عليا تعب الشهر كده يروح طيب مكنت ولدت من بدري بقي مدام قيصري المهم
تاني يوم اللي هو اول يوم بالعاشر بطني وجعتني وبعدين بدا يزيد كل شويه وبعدين بدا الطلق وبدا يشد ويزيد الم انا فضلت من قبل العصر لحد الساعه 11باليل لما كنت خلاص استويت والطلق كان كل دقيقتين بس والله كنت كاني بمووووت وجع جامد الله اكبر وكنت بقع من طولي واقولهم حرام عليكو بموووت المهم الدكتور جه كشف عليا لقي الرحم فتح بعد ده كله 3سنتي
الدكتور بصلي وقلي ازاي طلق بالشكل ده وانتي بمنظرك كده وده كله 3سنتي وانا خلاص بموووت من الالم كل دقيقه
المهم الدكتور بصلي وقلي انتي شكلك مش هتولدي طبيعي انتي مفيش فيكي جهد ومش هتستحملي اكتر من كده
ونده علي جوزي واختي وقالهم هي لازم تولد قيصري هي مش هتستحمل اكتر من كدهحرام عليا اسبها كده مكملش كلام روحت ريحاله وقولتله وانا عماله اصوت واعيط انا مش قادره افتحلي قيصري حالا حرام عليك انا مش متحمله
دخلني العمليات وركبلي كانولا ودكتور التخدير اداني بنج نصفي وفتحلي والحمدلله ولدت وطبعا طلعت والبنج قعد فتره لما طلع وبعدين الوجع اشتغل والجرح بدا يشد واول قومه ومشي متعب اوووووي وبتقعدي بتاع كام يوم تعبانه لحد متتحسني شويه بشويه
انا الحمد لله بدات امشي وحده وحده لوحدي بس مش كتير يعني والصداع شويه والجرح يشد شويه واقعد اعيط شويه والحمدلله عدت علي خير
ربنا يتمها علي خير
بالله عليكو ادعولي ربنا يتم شفايا علي خير عشان اعرف اشيل البيبي وارضعه وافرح بيه والله بقعد اعيط عشانه
كان بيعيط ومفيش حد جمبي ومقدرتش اتحرك عشان اسكته فصعبت عليا نفسي
الحمدلله كله خير
وربنا يقوم جميع الحوامل علي خير وييسر ولادتهم ويرزق كل مشتاق يااارب
همس القمر والورد همس القمر والورد 770505_4.gif فتكات هايلة Fatakat 770505 الشرقيه – مصر
سبحان الله و بحمده