السلام عليكم
ازيكم يابنات .. يارب اشفي كل مريض
قربتي عندها شرخ شرجي مزمن .. ومحتاجه دكتور او دكتورة ضروري .
يكون بيعمل العمليه باليزر او جهاز الكوي
وجزاكم الله خير
ولاخواتي اصحاب نفس الحاله ربما يشوفوا موضوعي
العمليه بجهاز الكوي بتكون في ربع ساعة وبتخف خلال ايام
اما نظام الجراحة القديمة فبنج كامل وجراحه واستئصال وخياطة وفي السرير اسبوع ومسكنات وبنج موضوعي عشان الحمام وتعب شهر او اكتر وفيلم المفروض ينتهي بقا .
احنا رحنا لدكتورة منها لله ولا داعي اقول اسمها هي شاطرة وبتعالج باليزر بس عايزة 7000ج مع ان المستشفي (مركز شعبي) هتاخد 250ج وحاولنا ننزل معاها قالت نزلوا مع المستشفي. ودي طبعا مش بس كتير دي سرقة وصعب المبلغ ده … منها لله
البنات الي هتدخل تكتبلي اسم كريم او وصفة طبيعيه – الكلام ده خطر وغير صحيح
الشرخ الشرجي البسيط بيخف لوحده وكفايه مياه سخنه او ملينات
لكن الشرخ الشرجي المزمن بينزل منه زوائد جلديه بتادي لاغلاق فتحه الشرج وده لازم جراحة وبتطور الي خراج حول فتحه الشرج وبتطور وتعمل ناسور — فبعيدا عن الوصفات بلاش حد يسيب نفسه للوصفات لحد مايوصل لكده لازم علاج بدري
الملكة نفرتاري الملكة نفرتاري فتكات رائعة Fatakat 639106 القاهره – مصر