السلام عليكم ورحمة الله وبركاته
بصوا يا دكاتره انا كنت عايزه اسألكم او أسأل اى ست بردو مرت باللى انا مريت بيه ده
انا حامل فى الاسبوع ال29تقريبا نصه بس التعب عندى بدأمن اكتر من شهر كان الم فظيع فى الجنب اليمين
افتكرتها الزياده وحسيت انها هتنفجر المهم بعد ماروحت المستشفى وبعد السونار والتحاليل اتضح انها الكلى اليمين وارمه
من ضغط البيبى ونموه وهو ده اللى بيعملى الالم
سؤالى بقى يا جماعه هل الورم ده طبيعى فى الحمل؟وهل بينتهى بعد الولاده ولا ايه ؟اصل انا خايفه احسن يكون الورم ده يقلب لحاجه موش كويسه
بعد الولاده وده اللى مخوفنى ويعنى ايه ورم كليه اصلا؟انا لحد دلوقتى باخد مسكنات الدكتور ادانى باراسيتامول ومسكن اسمه كودين بالاضافه للحديد
وطبعا كانت الجرعه زياده اوى عليا لانى كنت باخدهم 4مرات فى اليوم وجالى امساك بشع لدرجة انى من كتر الامساك جالى بواسير بطلت اخد العلاج واتحمل الالم الا ساعة لما ببقى خلاص موش قادره اتحمل باخد المسكنات ارجو يا دكاتره انكم تفيدونى او اى ست جالها ده فى الحمل يا ريت تفيدنى بردو وتشرحلى اصل انا فى انجلترا وموش بفهم
بيقولوا ايه الدكاتره بالانجليزى وتشخيصهم ايه كان نفسى فى دكتور عربى يكلمنى ويشرحلى بالعربى
ارجو الافاده وادعولى يا جماعه اولد طبيعى اصل انا تعبانه اوى وخايفه اوى ربنا يجازى كل اللى هترد خير ان شاء الله
anashosho anashosho فتكات جديدة Fatakat 365612 alfayoum – egypt
سبحان الله و بحمده