السلام عليكم
فتوكاتى الحلوين
عرفتكم دايما متحابات فى الله
بنسأل على بعض ,, وكتير مننا بيتعرفوا على بعض ويكونوا زى الاخوات
وبندعى لبعض بظهر الغيب
الحمدلله كانت خير صحبة ,, واسأل الله العظيم أن يجمعنا تحت ظل عرشه يوم لا ظل الا ظله مع المتحابين فيه
وطبعا انطلاقا من الكلام الحلو بقى اللى قلنا ده ,,انا حابة اوجه رسالة لعدد من الاخوات الفاضلات الجميلات واقولهم
(( انـــــــــــــــــــــــــــــتوا فين ؟؟ وحشتوووووووووووووووونا اوى ))
بجد افتقدتهم جدا لانى ادين لكل واحدة منهم بجزء ولو صغير من نجاحى فى جزء مهم من حياتى الاسرية وهو المطبخ واللى كان مستوايا فيه تحت الصفر ودلوقتى بقيت والحمدلله من المشهودات لهم بالكفاءة والتميز ,, والفضل فى ذلك لله سبحانه وتعالى ثم لهن واكيد فى اخوات تانيين اتعلمت منهم حاجات كتير حلوة برضه ,, والحمدلله كلهم عوضوا جزء من بعدى عن مامتى لانى بعد ماتجوزت سافرت على طول ومالحقتش اخد حاجة من خبرة ماما الممتازة وان كانت هى السبب الاساسى فى ان يبقى عندى دافع قوى للتميز – ربنا يخليهالى يارب –
المهم ,, انا عايزة اقولهم رحتوا فين ,, وفين ابداعاتكم الجميلة ,,
دى رسالة حب منى واكيد من اخوات كتير غيرى ليكم عشان ترجعوا تمتعونا بمواضيعكم الجميلة ,,
وعايزة أخص بالذكر القمرات
عمرنا ((بحبك جدا فى الله ))
دودو المعادى
عابدة الرحمن
ريمونتى
ام مهند الطيوبة
ام الطيب
دول اللى فاكراهم دلوقتى ويمكن يكون فى اسماء تانية برضه كان ليها اسهامات جميلة ,, يارب يجعل اعمال كل واحدة منهم فى ميزان حسناتها ,,
ياريت اى واحدة منكم تشوف موضوعى ده تدعيلهم دعوة او تكتبلهم كلمة ,,
واللى تعرف واحدة منهم تقولها انتى فييييييييييييييييييين ؟؟
وحشتينا
الموضوع ده عملته اولا لوجه الله لان ده طبعى ((اى حد علمنى حاجة ولو صغيرة بحس بدين ليه فى رقبتى ))
وثانيا عشان نطمن عليهم ونشجعهم يرجعوا ..
يلا مين هتقولهم معايا ولو كلمة صغيرة ؟؟
مستنياكم ياللى اكيد اتعلمتم من اى واحدة منهم ولو حاجة صغيرة اد كده ,,
احبكن فى الله مواضيع هذا القسم برعاية
dr*shahd dr*shahd 42441_1.gif فتكات هايلة Fatakat 42441 مع حموزى – جدة-