السلام عليكم و رحمة الله و بركاته
انا الحمد لله حامل في اخر التالت
و من اول شهر تقريبا وابتدى الوحم
كان في الاول غثيان بس و قرف من روايح معينة و قفلت من اللبن و البيض و الطبيخ و ريحته و الاكل المتبل و كل الكلام دة
مع الوقت الوضع اتحسن شوية و بقيت اشرب اللبن مستخبي في اي حاجة و ممكن زبادي و بقيت مقضياها فاكهة و خضار .. وابتدى القيئ
و وزني نزل بسبب قلة الاكل 4 كيلو في 3 اسابيع .. الدكتورة كتبتلي على نوعين لبوس للقيئ معملوش حاجة و في الزيارة اللي بعدها للدكتورة كتبتلي على حقن .. الحمد لله بتريح شوية بس بردو في بسيط ..
و من بعد الحقن ابتديت ااكل نفسي طبيخ و خضار و لحمة و فراخ من تاني بس بقرف من كل الروايح
و عندي ريحة في المطبخ و التلاجة مش راضية تروح
اتنضفو و اتغسلو و برش جليد و اولع بخور و بردو مفيش فايدة
تقريبا ريحة الخشب بتاع المطبخ
الاسئلة بقا:
*حد يعرف اي طرق اضيع بيها الروايح دي؟
*لحد دلوقتي و انا في اخر التالت و داخلة على الرابع اهو مش باكل بيض خاااالص .. اعمل ايه في الموضوع دة؟ سيرتة بتخليني ارجع (استغفر الله العظيم بحس اني بتبطر على النعمة بس غصب عني)
*عايزة خبرة اي حد في التعامل مع الوحم الشديد دة .. عايزة اتاقلم معاه و مش عارفة ..
ربنا يقومنا كلنا بالسلامة و يبارك في اولادنا و يسترها معانا ان شاء الله
9nooni9 9nooni9 فتكات نشيطة Fatakat 652914 Cairo – Egypt