المقلوبة :اكلة فلسطينية عريقة طيبة ومحببة للاطفال لاحتواءها على الرز والخضار والها ميزة انها بتكون طرية سهلة للهضم ومشبعة
حبيت انزلها لانو فتوكات كتير طلبوها وسألو عنها وتكرم عينكم رح انزلها بابسط طريقة على اصولها ويارب تعجبكم
المقادير :
دجاج مقطع منظف
رز مصري
باذنجان بطاطا فليفلة
ثوم
بصل هيل حب وقرفة وبهارات طبيخ
شعيرية
شوربة ماجي
الطريقة:
افرمي البصل ناعم وحمسي حتى يذبل براحته عا نار هادية وبعدين ضيفي الثوم وبعد شوي ضيفي الدجاج وقلبي مع البصل
ضيفي الهيل والبهارات واتركيه عانار هادية 5 د
ضيفي ماء حتى تغمري الدجاج مع قرص ماجي وملح وغطي حتى يستوي 40 د
اغسلي الرز منيح من النشا وانقعي نص ساعة وصفي
نحمس الشعيرية حتي يصير لونها اشقر ونحطها مع الرز ونضيف رشة بهرات وقرفة للرز وهيك جهز
طبعا نقلي راسين باذنجان وحبة بطاطا كبيرة وممكن تعمليها بالزهرةلو بتحبي
بعد ما يستوي الدجاج نصفيه من المرق ونصفه في قاع الطنجرة ونرتب فوقه الخضار والرز من فوق ونصب عليه المرق مثل ما بنطبخ الرز عادي ونغطي ونرفعه على النار يستوي
لما يغلي الرز ننزل عليه النار ونسببه يستوي براحته نص ساعة ونطفي عليه ونتركه كمان 10 قبل ما نقلبه
انا هيك خلصت يارب يكون فيه الفائدة لكم
مواضيع هذا القسم برعاية
الزنبقة الوردية الزنبقة الوردية images/avatars/pacifier.jpg فتكات ست الكل Fatakat 793622 الخليل – روحي فلسطين