السلام عليكم ورحمة الله وبركاته
بما انى اتشجعت عد موضوع صينية البطاطس بالفراخ اللى اكلتوا صوابعكم وراها
قولت اقولكم على المسقعه اللى هتاكلو اللى باقى من صوابعكم وراها بجد
من غير ما اطول عليكم
طوا عمرنا بناكل المسقعه وبس
اورديييييييييييييييحى ييييييييييييييييييييييعنى
بس دلوقتى خلااااااااااااااااااااااااااااااص
مش هناكلها الا باللحمه المفرومه والبطاطس
نبتدى يلا
بسم الله الرحمن الرحيم
المقادير >>>>
2 حبه باذنجان رومى وسط (مش كبيرة ومش صغيرة)
2 جبة فلفل اخضر وسط
2 حبة بطاطس
4 فصوص توم
4 حبات طماطم طريه (للعصر)
ربع كيلو لحمة مفرومه
بصله صغيرة
ملح + فلفل + كمون+مرقة دجاج
التحضير>>>> طبعا قبل ما نبتدى لازم نغسل المقادير كلها كويس(الفلفل-الباذنجان-البطاطس بعد التقشير)
نقطع الباذنجان انصاف دوائر (الحجم اللى تحبيه)
ونحطه فى طبق فيه ميه وملح ونقلبه كويس (ونتركه لحد ما نخلص التحضير)
نقطع الفلفل الاخضر اجزاء حسب الرعبه (ممكن اجزاء بالطول وممكن حلقات)
والبطاطس تتقطع صوابع (كانك هتحمريها)
والثوم يكون مدقوق كويس لو ما بتحبيش الثوم يكون ظاهر فى الاكل
نضرب الطماطم فى الخلاط مع شوية ميه صغيرين
الطريقة>>>>
نجيب طاسه فيها زيت غزير
نحمر البطاطس شويه مش اوى ونطلعها وهى بيضه (ما تستنيش لما تتحمر)
نحمر بعدها الفلفل ونطلعه لما لونه يتغير ويطرى
نطلع الباذنجان من الميه ونصفيه ونحمره لحد ما يبقى لونه (دهبى)
ونجيب طاسه ونحمر الثوم فى شويه زيت ونحط عليه صلصة الطماطم لمدة دقيقتين (مش لازم تتسبك اوى)
ونقطع البصل صغير ونحمرة ونجط عليه اللحمه المفرومه لحد ما تستوى (مش بتاخد وقت حوالى 3 دقايق)
ونجيب صينيه مدهونه زيت بسيط جدا
ونرص نص الفلفل ثم نص الباذنجان ثم نص البطاطس وبعدين اللحمه المفرومه كلها ونرجع نحط باقى البطاطس اللى باقى وبعدين الفلفل وبعدين الباذنجان
نجيب الطماطم اللى سبكناها شويه مع الثوم ونحطهم على الصينيه ونحط الملح والفلفل والكمون ومرقة الدجاج
(يفضل نحط الفلفل والملح والكمون ومرقة الدجاج مع الطماطم فى الخلاط)
وبعدين نحط الصينيه فى الفرن من تحت شويه وبعدين نرفعها على الشوايه اللى ففوق لحد ما يتحمر الوش شويه
وبالهنا و الشفا
لا تحرمونى من ردودكم وتقييمكم التقييم بمثابة تشجيع لى
ولا تحرمونى من دعواتكم
مواضيع هذا القسم برعاية
سمسمه أم جودى سمسمه أم جودى 381475_33.gif فتكات ست الكل Fatakat 381475 الدوحه – قطر