السلام عليكم ورحمة الله وبركاته
ازيكم يا بنات
هنكمل كورس هعيش حياة سعيدة باذن الله و نغير حياتنا لحياة هادية و ميلة و كل المشاكل هتتصلح باذن الله
ودي المحاضرة التانية بعنوان
(( الثقة بالنفس))
بس ان شاء الله الكلام غير اي كلام سمعتيه هو مبني علي كلام دكتور احمد عمارة بس انا زودت من خلال خبرتي الضئيلة
_________________________
نبدأ بسم الله
بصوا الانسان اتخلق بفطرته عنده ثقة بنفسه لا نهائية بس لما يبدأ يسلم الثقة دي لكلام الناس و يبدأ يقيم نفسه علي اساس كلام الناس الناس دي ممكن تكون اهلك اصحابك جوزك اطفالك بتبدأ المشاكل مع انهم ممكن يكونوا بيحببوكي اه بس تطلع منهم حاة غصب عنهم
انما الثقة بالنفس الحقيقة القوية دي بتستمديها من الي خلقك فاسمها الثقة بالله يعني اقدر اعمل اي حاجة طول ما انا مؤمنة بالله و متوكله عليه ان هو بس الي يقدر ينفعي او يضرني
الانسان الواثق بنفسه عموما مبيخفش من الفشل لان عارف انه حتي لو فشل هيقدر يتعامل مع الفشل ازاي
__________________________
لحد دلوقتي الكلام كويس
طب نتعرف اكتر يعني ايه نفسي دي الي انا هثق فيها
نفسك دي حياتك و حياتك دي ليها جوانب كتير
حياتك النفسة و راحتك و حياته العائلية اهلك و اخواتك و حياتك الزوجية جوزك و حياتك معاه و اطفالك و تربيك ليهم
وحياتك الايمانية بعلاقتك مع ربنا و حياته العلمية انك تتعلمي حاجة جديدة حتي لو ربة منزل اتعلمي في علم النفس و التربية و ربي اولادك صح و اعرفي حاجات جديدة تجدد الحب و علاقتك بجوزك حتي لو سنك 60 سنة
النبي صلي الله عليه وسلم قال "" اذا قامت القيامة وفي يد احدكم فسيلة فليغرسها """"""""""
يعني بسنك تقدري تعملي حاجة جديدة حتي لو بسيطة
ومن هنا الثقة بالنفس ترتبط بالجهل و الجهل يعني عدم المعرفة بالشي مش حاجة وحشة خالص بالعكس
دا هو الدافع للمعرفة و تنوير العقل يعني انا مثلا بدرس كمبوتر يبقي انا عارفة فيه بس معرفش حاجة عن الاكل يبقي انا جاهلة في الجزء دا واجبي اني اتعلمه ووسائل التعليم دلوقتي مش صعبة عالنت من كتب جوجل يوتيوب فتكات
شيلي الغشاوة عن مشكلتك و اتعلمي ازاي تتعامل معاها و صلحي جوانب حياتك هتحطي رجل علي رجل ادام اي مشكلة
وانتي كلك ثقة بالله ومؤمنة انك بتعملي حاجة صح وانه هيوفقك
وداالي هنتكلم عليه في باقي الكورس ازاي تخططي لحياتك
_______________________________________________
طيب ازاي اطبق دا في حياتي هنقول مشاكل وحلول ليها حااجات عامة و انتي طبقي عليها علي مشاكلك الشخصية
في مثال من حياتي انا عايزة اكلمكم عنه
انا كنت بنت مهملة جداااااااااااااااااااا في نفسي حاجة كدا ربنا ما يوريكي لدرجة اني امبارح بس لقيت صوري في خطوبة خالتي حاجة كدا متتوصفش مسحتها كلـــــــــــــــــــها انا دلوقتي عثل و كانت ثقتي بنفسي تحت الزيرو وانتي نازلة كدا
ومهملة في لبسي و كان خلاتي ساعات بيتريقوا علي لبسي مش هحكيلكم عن انجزاتي في المجتمع بس انا دلوقتي
خلاتي بياخدوا رايهم في لبسهم ساعات مش غرور بس انا كمان ساعات اقولهم ايه رأيكم في كذا و بقيت في نضافتي الشخصية الحمد لله و لسا في احسن اكيد هوصله و فرق كتيييييييييييير في حياتي النفسية و ثقتي بنفسي
مشكلة تانية مهمة اوووووووووووووووووووووووووووووووووووووووووووي
لو واحدة جوزها عايز يتجوز عليها طيب شوفي انتي نفسك وراجعي نفسك لو مشكلة اهتمام نفسك اهتمي
بس معلشانه علشان نفسك علشان ربنا امرك بالنضافة الشخصية لان انتي خلي ديما همك رضا ربك مش رضي اي مخلوق حتي لو جوزك
اهتمي بنفسك لو اكل جربي اكل جديد
ساعتها هيحبك اووووووووووووووووي و الحب يتجدد بينكم و حياتك تبقي جنة ان شاء الله
طيب جوزك احبط و ما اكثرهم بمنتهي الدلع قوليله انا بحب ادلع نفسي و اهتم بنضافتي و جسمي هو هينبهر بثقتك بنفسك و الراجل بيتشعلق بالنوع دا بجد دا كلام علمي
طب قالك اكلك الجديد مش حلو اي حد قوليله بتعلم اعمل اكل بحبه ومرة في مرة هبقي جامدة و انتي كلك ثقة انك هتوصلي للحالة دي بجد و ساعاتها هياكل حتي لو الاكل محروق
طب لو سلفتك حامتك من النوع الي بيحبطك ويقولك اكلك فيه و فيه قوليله عندك حق ايه رأيك تعلميني كل دا و انتي في منتهي هدوء اعصابك الناس دي كلها لما تتعاملي معاهم كدا هيتغيروا هو دا التغير بالادب
__________________________________________________ _______
طيب الملخص
1_ ثقتك تاخديها من الي خلقك وترضيه هو بس
2_ ابعدي عن السرطان الي اسمه كلام الناس كل واحدة تقول الناس هتقول عليا ايه
من الاخر انتي بتعبدي ربنا مش الناس و تاملي الحديث دا
" من أرضى الناس بسخط الله سخط الله عليه وأسخط عليه الناس ومن أرضى الله بسخط
الناس رضي الله عليه وأرضى عليه الناس
3_ اربطي دا بالجدول الي قلنا عليه في المحاضرة الاولي بتاع استبصار النفس بالملاحظة خليكي امينة و صادقة علشان تحلي مشاكلك
ولو لقيتي مشكلة ابدأ بثقة في الله ودوري و اتعلمي وحليها وواجهي العالم كله بقوتك و ثقتك في الله
4_ اعتمدي علي الله ثم نفسك انك تعرفي و تتعلمي و االعلم فريضة مش معني انك ربة منزل انك متتعلميش غلط
بالعكس انتي مسؤلة عن بيت في زوج و اولاد بياثروا ف المجتمع
يا رب اكون افدتكم و استنوا الباقي و ان شاء الله هنبقي فريش اخر حاجة
Reham TM Reham TM 1006169_1.gif ممنوعة من المشاركة Fatakat 1006169 Gizaa – Egypt