السلام عليكم على كل فتكات
انا من زمان بتابع المدونة الجميل ده وبقرأ مواضيع كتيررررررة اووووووووى بس مكنتش بكتب مواضيع فيه وحبيت النهارده اكتب ليكم قصتى انا والليزك
في البدايه وعلشان ملكش كتير انا كان نظرى ضعيف من وانا في اعدادى يعنى لو قلعت النضاره ممكن ادخل في اى حيطه ولا هاخد بالى يعنى كنت شويه وهبقي عميه على الاخر …
وكنت بعانى صبح وليل وكانت نفسيتى تعبانه وبكسل اخرج علشان لسه هلبس للنسز وافضل اخلع والبس وكنت بكره الخروج جدا جدا جدا كانت المشكله انه مستحيل اطلع بالنضاره لان نضاره ونقاب ميتفقوش ابدا ابدا يمكن حسيت فعلا بالمعاناه لما لبست النقاب انما من سنتين كنت بخرج احيانا كتير بالنظاره ولو عنيا مرتاحه كنت بلبس لينسز عادى المهم انا كنت عارفه عن الليزك وقريت عنه بس كنت خايفه جدا جدا جدا
وبعد ما قريت كل مواضيع الفتوكات عن الليزك واحترت جدا جدا اروح فين واشوف دكتور مين قررت انى اسافر القاهره واعملها بعد مازهقت المراكز اتصالات واسئله ولحد ما تقريبا حفظوا اسمى ….. وجه اليوم المنتظر وانا بنام وبصحى على كابوس انى لو عملتها مش هشوف تانى او هتعمى واتفقت مع مركز الملكي لليزك انه هاجى يوم السبت للمركز علشان اعملها الساعه 10 الصبح لو اوصفلكم كنت ازاى خايفه لدرجة انى كنت بنام واصحي من الخوف
رحت المركز انا واختى وجوزها ونادوا اسمي علشان ادخل للكشف المهم دخلت وعملولى كشف وقالى الدكتور استنى بره لان قرنية العين ضعيفه واحتمال متنفعش معايا ….. انا سمعت الكلمتين دول وقلتله ازاى انا خلعت اللينسز بقالى اكتر من اسبوعين وكنت بنام بدرى علشان ما ارهقش عينى وفضلت ابرر اسباب كتير وهو بيقولى اتفضلي بره وهنرد عليكي ؟؟؟؟؟؟ا انا وقتها حسيت احلامى راحت وانى هفضل طول العمر لابسه النضاره وفضلت اعيط واعيط واعيط واعيط
لحد ما نادوا اسمى انى هدخل اعمل العمليه ولو اقولكم مدى فرحتى المهم دخلت والممرضه لبستنى الوشاح الازرق والبونيه وحطتلى قطره وعملت عنيا بمطهر ودخلت العمليه وانا فرحانه مووووووووت انى هكسر النضارة ومش هلبسها تانى وبجد العمليه سهله جدا جدا جدا ومش حسيت باى الم وخلصت العمليه وخرجت وروحت البيت ومن التعب نمت وفضلت عينى تدمع اليوم كله وبتحرق وبتنزل دموع لوحدها وبعدها بيوم حسيت انى اتولدت جديد وانا شايفه الدنيا احلى من الاول ونظرى بقي 6 على 6 وشايفه كل حاجه واضحه جدا .…..
بجد مع انه كنت بحلم بكاوابيس بسبب الليزك بجد بجد اللى خايف من العمليه البسيطه دى يتوكل على ربنا ويعملها لانها هتغير حياته وهترتاح من النضارة والعدسات انا بحكيلكم قصتى مع الليزك لانى كنت مرعوبه من العمليه بس الحمدلله عملتها وارتحت كتييييييييييييير
حـ زوجي ـب حياتي حـ زوجي ـب حياتي 1219401_1.gif فتكات هايلة Fatakat 1219401 قلب حبيبي – قلب زوجي