السلام عليكم يا اجمل فتوكات
ان شاء الله
هاولد فى علاء عزت للى فى المعادى
انا سبق ولدت فيها قبل كدة طبيعى بس ولادة مبكرة فى السادس
ولادى يا دوب قعدوا فى الحضانة يوم وتوفوا
عشان كدة فى بعض المعلومات اللى عايزة اعرافها بخصوص البيبى مش عارفها
هابتدى الاول باللى انا عارفها
انا اخترت الغرفة اولى لوكس وهى فى حدود 2200ج قابلة للزيادة او النقصان
وطبعا بالمرافق وهى نظيفة اوى بحمام وتكيف وثلاجة وريسيفر وسرير وكنبة بنفتح سرير للمرافق وسرير للبيبى
اما حساب الدكتور والاستف بتاع العمليات دة بيتحدد حسب الدكتور اللى هاتولدى معاة
وانا هاولد مع د هانى المغربى اللى عاملى الحقن المجهرى فى مركز جنين وهايخد 3500ج
بعد الولادة لما تفوقى من البنج بتدخل الممرضة تحميكى وتغيرك هدومك وهاتدكى فوط النفاس كيس بحالة كبير
بس نصيحة هاتى الوز معاكى حطية تحتيها لان فوط النفاس مش بتلزق فاممكن تتتحرك
اللى انا عايزة اعرفة باءة
بما انى هاولد كيسرى
وهابات لتانى يوم
سمعت من ناس كتير انك لازم تدى تبس (بقشيش) للممرضات وهما ساعتها هايشولوكى شيل
طبعا انا بستحرم الحكاية دة يعنى اديهم زكى عن ولادتى ماشى لاكن بقشيش عشان يخدمونى المفروض دة شغلهم
المهم ماعليلينا
اديتم تبس اد اية 5 ج ولا 10 ولا 20 ولا 30 ولا 50
انا كنت عاملة حسابى على خمسات حلاوة ولدتى بس قالولى ماحدش هايعبرنى فيهم وان دة قليل
فاعملتوا اية
تانى حاجة البيبى
غير الهدوم بتاعتى اللى هاجبها معايا
هحتاج اجيب برونة معايا وكادلس ولا مش هاحتاجهم عشان فى مستشفيات بدتدى الحاجات دية
وكمان هاحتاج اجيب الشنطة بتاعة مستلزمات البيبى اللى فيها الشابمو الكريمات والكادلس و المناديل وكل الحاجات اللى بحتجها لما احب اغيرهم ولا هما هناك هايغرو لللبيبى
ثالث حاجة
هل بيقدموا اكل ليا وللمرافق باليل والصبح زى اى مستشفى ولا جوزى يبقى يجيب
قولوا انا مش مهم الواحد مش هايبقى فية حيل ياكل كفاية يشرب عصاير وحاجات سخنة
بس انا حاملة هم ماما عشان هاتبقى معايا وبرة المستشفى هس خالص ويخوف واخاف عاليها تخرج تجيب اكل فاعيزة ابقى عاملة حساب كل حاجة
اتمنى انكم تسعدونى زى ماتعودت منكم دايما وعلى فكرة مش انا لوحدى
اللى عايزة اعرف كل المعلومات دية
تقريبا كل اصاحبى اللى عاملين الحقن مجهرى معايا هايولدوا فيها وعايزين يعروفوا
وجزاكم الله كل خير
ودعواتكم انى اقوم انا ولادى بسلامة واولد فى التاسع انا وكل ااصحابى الحوامل اللى زيى
sally23 sally23 فتكات رائعة Fatakat 5489 القاهرة – مصر