زى العنوان ما بيقول كده بالضبط انا كنت خايفة جدا من تجربة السردين المملح وكنت خايفة يبوظ ولكن بصراحة لقيت فتوكات كتير عاملينه وشكله جميل ويفتح النفس .فقلت جربى فى كيلو واحد وان شاء الله تكون النتيجة كويسة.
جبت السردين وطبعا بدون غسيل جبت كيس بلاستيك وحطيت فيه خليط من ملح وشطة وحطيت سردينة وجنبها سردينة تانية بالعكس يعنى الراس جنب الديل وبعدين رشه ملح وشطة وبعدين السردين وهكذا لغاية ما خلص الكيلو وقفلت الكيس كويس جدا وحطيته فى مجموعة اكياس بلاستيك كتير وسبته 8ايام فقط وفتحت عليه وانا حطيت ايدى على قلبى لقيته بحمد الله زى الفل وجميل نظفته وحطيت عليه زيت وليمون وبصل اخضر
وبقيت فرحانة بالنتيجة وعاملة كدهطول النهار كانى باعلن عن معجون اسنان
الصور بقى للى مش مصدقة او لسه خايفة تعمله
والباقى نظفته وحطيته فى علبة بلاستيك وحطيت عليه شوية زيت ويبقى جاهز علطول على الاكل
وكمان صورة تانية علشان اللى بيحبوا السردين
وبالهنا والشفا لكل اللى حتجربه
مواضيع هذا القسم برعاية
فتاة المهمات الصعبة فتاة المهمات الصعبة 190913_15.gif Fatakat 190913 الرياض – السعودية