السلام عليكم ورحمة الله وبركاته
انا كتبت الموضوع ده عشان استبشر بيكم وبرضو كل اللى جوزها نفس الحاله تستفاد
ياريت كل اللى كان جوزها عنده ضعف فى الحركة وربنا رزقها وحملت تقولنا حملت بعد اد ايه وايه العلاج اللى اخده جوزها
ونسبة الحركة فى التحليل كانت كام بالظبط
ياريت يا بنات كل اللى عندها معلومة فى الموضوع ده تقولها وما تبخلش علينا بيها
انا متجوزة من اربع شهور عارفة طبعا ان الفتره قليله ومفيش داعي اني اقلك
بس بصراحة اللى قلقنى من بدايه الجواز اني عرفت ان جوزي كان عامل عملية دوالى من 6 سنين والدكتور قاله انها ممكن تاثر على الخلفة
المهم انا بعد الجواز الدوره جاتني اول شهر قولت عادي تاني شهر قولت لا انا اروح اكشف ولو فى حاجه تبان من الاول احسن ونكسب وقت
روحت كشفت والحمد لله طلع معنديش حاجه وطلبت من جوزي انه يعمل تحليل وهو بصراحة ما قصرش المهم التحليل طلع فية ان السرعه ضعيفة
a: صفر
b: 25 %
بس باقى التحليل كويس تقريبا
هو حاليا كشف من حوالى 15 يوم والدكتور كتبله كارنيفيتا فوررت وبيوسترونج وسوبر اكت وجولدن هـ
وانا بصراحه قلقانه من ان الحركة السريعه صفر
رغم ان مليش كتير متجوزة بس انا متجوزة فى قرية والزن ورمي الكلام شغال الله ينور ومحدش يعرف حاجه عن التحاليل ومشكلة الحركة دي
معلش انا طولت عليكم بس انا مش لاقية حد اشكيلة ولا فاهمة هو ممكن العلاج يجيب نتيجة ولا طالما الحركة صفر يبقى ملهاش علاج ولا ايه
سبحانك ربي 5555 سبحانك ربي 5555 1059088_1.gif فتكات نشيطة Fatakat 1059088 اسيوط – مصر ام الدنيا