سلام عليكم ي فتوووكات
رمضان كريم ان شاء الله علينا كلنا
بحبكم ف الله ^^
بدايه كده انا بحب اطبخ واعمل حلوويات كتير .. ^_^
وبما انى خلصت ثانويه عآآمه الحمدلله
والنتيجه بتاعتى هتظهر بعد بكره عايزآكم تدعولى اجيب تقدير عااااالى وادخل طب اسنان
قولت انزل لكم وصفه عملتها وبعملها ع طووول ..
ودا كان طبق اساسي ف الفطاار بتاعنا .. ^^
دى الصوره النهائيه للطبق
.
.
نبدأ بسم الله
المقادير
استخدمت كيلو ونص لحمه " لحمه ماعز "
2 بصله متوسطه متقطعه
3 حبايات بطاطس
جزر مقطع بالطول ..
التتبيله بقه ..
( 3 حبات طماطم مبشورين + معلقتين كبار عصير لموون + معلقه ملح + معلقه خل كبيره + نص معلقه فلفل اسود + كزبره ناعمه + نص معلقه كمون + نص معلقه بهارات مشكل عند العطار + قرفه ناعمه انا استخدمت عود قرفه +ربع معلقه زنجبيل +ربع
معلقه شطه )
نسخن الفرن على 180 درجه
نجيب كيس حرارى طبعا عارفينه كلنا
نحط التتبيله فى طبق كبير ونخلطهم مع بعض كويس
ضيفى اللحمه ع الخلطه
سيبيه يشرب التتبيله حطيه فى التلاجه انا سبته 4 ساعات , بس كل ما يقعد بيكون احسن واطعم ^^
بعد ما تطلعيه
ضيفى عليه البصل + الجزر + البطاطس
وقلبيهم كويس وحطيه فى الكيس الحرارى + حطى معاه كبايه مايه
حطى الكيس ف الصينه عشان تدخل الفرن .. بعد ما نقفله كويس طبعا
يقعد حوالى ساعتين ف الفرن او لحد ما يستوى
بعد ما نطلعه نقطع الكيس وتحطيه ف طبق التقديم
وممكن تقدميه مع الرز او العيش
معرفتش اصور الا دى عشان نسسسيت
عاوزه رأيكم وان شاء الله مستقبلا اعمل احسن ^^
لو عجبكم ممكن
تقييم
عايزاه يبقى مميز ويوصل لكل فتكاات
تم بحمد الله
مواضيع هذا القسم برعاية
salma_cute salma_cute 508750_4.gif فتكات هايلة Fatakat 508750 الشرقيه – مصر