ازيكم يا احلى فتوكات النهارده عملتلكم طبخه انما ايه روعه ممكن تتعمل بطريقتين
الاولى بالكوسا زى محنا عاملين
والطريقه التانيه بالقرنبيط
هنحط المقادير واحده واحده بالصور مع بعض كده
طبعا كوسا مغسوله ومتقطعه نصصين ولو صغيرة قوى سيبوها زى ما هيا تمام
و4 زبادى صغير زى منتو شايفين
و1برطمان طحينه صغير برضه
ليمونه
لحمه مفرومه وبصله
وطبعا بهارات حسب الرغبه وملح
تمام
تانى حاجه هنضرب الزبادى والطحينه وعصير الليمونه فى الخلاط كده
مع كوبايه ميه
وبعد نغلى ميه ونحط فيها الكوسا غلوتين كده يعنى دقيقتين وبعد ما تتسلق نغسلها بميه ساقعه وتقليها نص قليه
ونعصجق اللحمه بالبصله ونحط عليها بهارات وفلفل اسمر وشويه ملح
كده كله تمام اللحمه متعصجه والكوسا مسلوقه ومقليه تص قليه
والزبادى والطحينه جاهزين
بعد كده هنحط اللحمه المتعصجه فى الحله وفوقيها الطحينه والزبادى
نستنا عليها دقيقتين لغايه ما تغلى غلوتين كده ولما تحسى ان الطحينه ابتدت تتقل شويه تحطى فيها الكوسا
تمام كده ومع نفسها بقى شويه كده لغايه ما تستوى يعنى تتطلعى الكوسايه وتقسيميها بالسكينه تلاقيها تمام
يبقى كده استوت ممكن تحطيلها شويه ميه صغيرين لو عازت
وتقدمى معها رز ابيض
كده كلو تمام والاكله جاهزة على الاكيله
جربوها وقولو رايكم يلا يا فتوكات عاوزة الطبق الى فوق ده ينضف الف صحه وهنا على قلوبكم
وصدقونى اكله تساوى نص مليون جنيه
ههههههههههههههههههههههههههههههههههه
ومتنسوش التقيم طبعا مواضيع هذا القسم برعاية
ميك اب ارتيست ميك اب ارتيست 32029_18.gif فتكات ست الكل Fatakat 32029 المنصوره – مصر