السلام عليكم يا احلى بنات
بصوا بقى النهارده دخلت المطبخ وغاااامرت وقلت اعمل كوردن بلوو ولادى بيموتوا فيه وجوزى بيستسهل ويجيبو جاهز من برة
سميت الله ودخلت المطبخ اول حاجه تجيبى صدور فراخ مخليه
تتبليها كويس ( ملح – فلفل اسود – زعتر – كارى – ورق لورا – بصل مبشور – توم بودر – خل ) تسبيها ساعتين تلاته فى التلاجه عشان تشرب التتبيله
نكون مجهزين لانشون مدخن _ جبنه شيدر او موتزريلا زى ما تحبى _ جبنه كيرى
نفرد قطعه البانيه نحط الاول الانشون وفوقه الجنبه ونلفها ونثبتها بخله ونسيبها فى الفريزر نص ساعه عشان متفكش منك
ونطلعها نحطها فى دقيق وبعدين بيض وبعدين بقسماط
تسخنى الزييت اووى وتوطى النار خاااالص عشان تستوى من جوا وتبتدى تحطى واحده واحده وتقلبيها براحه عشان متفكش
وطلعيها وبألف هنا عجب جوزى وولادى اوى ودول قليلا اما يعجبهم جاجه وممكن تعمليه فى ساندوتشات او جنب مكرونه . اانا عملت جنبها مكرونه بالجبنه وكول سلو
دعوة حلوة بقى ان ربنا يخليلى جوزى ويهديلى اولادى مواضيع هذا القسم برعاية
ام سما ولى لى ام سما ولى لى 782144_2.gif فتكات حبوبة Fatakat 782144 القاهرة – مصر