اللهم صلى وسلم وبارك على سيدنا محمد
المقادير
5كوب دقيق
2ملعقة خميرة
ملعقة سكر
رشة ملح
2ملعقة قشطة (ممكن وش اللبن عادى)
كوب ونص ماء دافئ للعجن
نص كوب زيت
الحشو جبنة بيضا
جبنة مودزريلا
قشطة من وش اللبن
ممكن فلفل اخضر
الطريقة
ندوب الخميرة مع السكر والقليل من الماء الدافئ
ونتركها تخمر جانبا
فى وعاء نضع جميع المكونات عدا الماء
ثم نضيف الخميرة المذابة
ونبدا باضافة الماء تدريجيا
لانه مش كل انواع الدقيق زى بعض
مع العجن حتى تتكون لينا عجينة ملساء لاتلتصق باليد
نتركها جانيا لتخمر حوالى ساعة
ملحوظة :يفضل انك تعجنيها وتسيبها تخمر افضل من انك تعجنى وتحشي وتسبيها تخمر بالحشو لانه الحشوة اللى هانتسخدمها هنا العجينة ممكن تشربها وتبوظ منك فى الفرن
هنا الحشو المستخدمة
الجبنة البيضا والموزريلا والقشطة ناخد منهم بمقادير متساوية ونقلبهم جامد مع بعض
بيكون طعهما روعة وكمان لما تدخل الفرن طعمها بيحلو اكتر واكتر
لانه القشطة لما بتطولها النار بتدى طعم المورتة كدة او السمنة البلدى والريحة بتكون ميلة اوى والطعم رهيب
وطرواة كدة فى الحشو بجد احلى من الجبنة الرومى
نفرد العجينة سمك وسط
نقطعها مثلثات ونضع الحشو على طرف المثلث ونلف
ونضعها فى الصينة المدهونة زيت جيدا
ندهن وجهها بيضة وشوية لبن صغيرين
ممكن اضافة السمسم للوجه حسب الرغبة
تدخل الفرن
نار متوسطة حوالى تلت ساعة
نولع الشواية تاخد لونى دهبى جميل عالوجه
لما تطلعي اى معجنات وعايزاها تفضل طرية معاكى متنشفش منك ومتعجنش
وهى لسه سخنة اول ماتطلعيها هاتى طبق كبير ورصىها كلها وغطيها بفوطة نضيفه كويس
لحد ماتبرد خالص تقدرى تحطيها فى علبة بلاستك او كيس زى مابتحفظيها بقي
وان شا ء الله قربي هانزل هنا طريقة للكرواسون بالشيكولاته بعيحنة مختلفة ومورق وجميل
هنا المدور ده
حطيت مع الحشو بتاعنا فلفل اخضر وطلع طعمه جميل اوى
انا كدة خلصت
سبحان الله وبحمده
سبحان الله العظيم
مواضيع هذا القسم برعاية
جوزى وبناتى هما حياتى جوزى وبناتى هما حياتى 634537_16.gif فتكات ست الكل Fatakat 634537 الدور التانى ملحوظة:كنا فى الدور الرابع بس عشان السلم ومفيش اسانسير عزلنا للدور التانى☺ – مصر