فتوكاتى سنه سعيده ان شاء الله وياااااارب السنه الجايه تبقى احسن على الجميع
:smiley-pray:من زماااااااااااااااااااااااااااااااااااااان مكتبتش موضوع جديد والنهارده كنت بودع السنه بالكابوريا قولت اوريهالكم يمكن تعجبكم
كيلو كابوريا وطبعا انثى او نتايه عشان لحمتها بتبقى اكتر وبنعرفها من الصدفة الصغيرة اللى على الضهر لو نص دايرة وتحتها اهداب تبقى انثى لكن لو رفيعة تبقى ذكر
https://files2.fatakat.com/2015/12/13885179413322.jpg
https://files2.fatakat.com/2015/12/13885180567269.jpg
https://files2.fatakat.com/2015/12/13885181191928.gif
تمام كده هنشيل بقى الصدفىة الرصاصى الكبيرة اللى على الوش وبفرشاة اسنان قديمة او اى فرشة خصصيها لتنضيف السمك هتغسلى كل اللى تحت الصدفة اللى هو البطروخ والاهداب الرفيعهة وبيبقى لونهم برتقالى وهنشيل كمان الصدفة الصغيرة اللى على الضهر
هننقع الكابوريا فى دقيق وخل وملح ولمون ربع ساعه ونشطفهم كويس عشان اى زفارة تروح
https://files2.fatakat.com/2015/12/13885181617990.jpg
https://files2.fatakat.com/2015/12/13885182077413.jpg
بعد كده هنعصر نص لمونة كاملة على كل كابوريايه من ناحية القلب اللى كان تحت الصدفة الكبيرة وبعدين نرش شوية زيت زيتون حلوووين وملح وفلفل وممكن رشة كمون بس بسيطة وشطة طبعا للى يعوز وهنضرب طمطماية مع 3 فصوص توم فى الخلاط ونحطهم على الكابوريا ونقطع بصلايه متوسطة مكعبات او شرايح وبس كده هنقلب كله مع بعضه ونسيبها ساعة فى التتبيلة دى
https://files2.fatakat.com/2015/12/13885182686097.jpg
هنسخن الفرن كويس قوى ونجيب صينية الخبز بتاع الفرن نفسه ونغلفها بفويل ونحط الكابوريا وتتبيلتها بدون اى اضافات تانية وندخلها الفرن حوالى ربع ساعه لحد لونها ميبقى برتقالى هنطفى الفرن ونولع الشواية عشان تنشف اى مية فاضلة من التتبيلة ويدوب تحمر الوش سنه ونطفى
https://files2.fatakat.com/2015/12/13885183227656.jpg
وبالهنا والشفا يا فتوكاتى بجد احلى واخف من المسلووقه وان شاء الله تعجبكوا
وعشان الامانه صور تفريق الكابوريا ذكر ولا انثى من على النت عشان بس مبقاش حرمتكوا من حاجه
ومش عايزة منكوا غير بس دعوة حلوة ويبقى كتر خيركوا مواضيع هذا القسم برعاية
moramady moramady 840614_1.gif فتكات رائعة Fatakat 840614 المدينة المنورة – المملكة العربية السعودية
