السلام عليكم و رحمة الله و بركاته
اولا ازيكم ربنا يون علينا كلنا و يقومنا بالف سلامه يارب
انا من اكتر الناس الى كنت عاوزة اعرف اوى نوع الحمل وعارفه ان فيه زيى كتير
انا عندى بنتين وده حملى التالت و الحمد لله ولد ربنا يكملنا جميعا على خير
انا دخلت على مواضيع كتييييييييير تقول الوحم فى البنت ايه و مش عارفه اللعب للبيبى ايه وانا رأيى فى تجربتى ان كل حمل له شكل يعنى لو قلتى ان الترجيع جامد وووو يبقى ولد غلط كله تخمين وملوش اجابه صحيحه
بنتى الاولى كان الحمل دمار شامل فى الترجيع و الحموضه و كله و الشعر كثيف فى جسمى وحركة بسيطه
بنتى التانيه مخدتش برشام الترجيع اصلا و لا الحموضه كان حمل حلو اوى و كانت ضربات رجليها جامده جدااااا كأنه حمل ولد وكانت بنت و اهى شقيه موت اهى
حملى ده ولد كان فى ترجيع ومتعب و شعر كثيف بردو
فى النهايه ان كل حمل مش مرتبط بنوعه
كمان نقطه نبض الجنين فى حملى ده كان اقل من 140 يعنى المفروض بنت و طلع ولد كله فاكس
الى ظبط معايا هى الاحلام بصراحه
فى حمل البنات كنت بحلم انى دايما بقيس فساتين او حد جايب لى تايير او طقم خروج و اقيسه و يعجبنى و كنت اقول لا مش عايزاه
فى حملى ده اول بشاره انى شفت الشيخ محمد حسان بيصلى على النبىويقول اللهم صل على سيدنا محمد و على ال سيدنا محمد وانا بقول معاه وادانى خاتم
تانى حاجه دايما بحلم انى بتجوز حد غير جوزى او ساعات بتجوز جوزى بكون عروسه وساعات جوزى لابس عريس او انى عروسه لحد معرفهوش حلمت الحلم ده كتير و طلع انه بشاره بالولد
عايزة اقولكم كمان ان الدعاء لله بيقين والاستغفار والقرب لله اسباب للى نفسها فى ذكور واما تدعى بالولد متقوليش ارزقنى ولد قولى ذكر لان ولد للنوعين
وربنا يكرمنا جميعا و يكرمنى بياسين يارب
احبكم فى الله
mallokaty mallokaty 664591_2.gif فتكات هايلة Fatakat 664591 Cairo – Egypt