ازيكم يا حبايب قلبي وحشتوني والله
النهردا بقي انا فرحانة جدا
اخيرا نجحت وعملتها
الفراخ التندوري الهندية
دائما بكلها في المطاعم الهندية وكنت نفسي اوووي اعملها في البيت
والنهردا فعلا عملتها وطلعت رووووووعة
يارب تعجبكم يارب وكمان بقي الاكلة دة حلوة اوي للرجيم
يلا بقي ندخل في الموضوع علطول
المكونات
1/2 كيلو صدور فراخ مخلية ومنزوعة الجلد
التتبيلة
(بصلة مفرومة ناعمة+10فصوص ثوم مفروم+كوب زبادي+معلقة صغيرة ملح+معلقة صغيرة شطة+1/2معلقة صغيرة جنزبيل بودر+2معلقة كبيرة بابريكا+معلقة كبيرة سماق+ معلقة كبيرة كاري+معلقة كبيرة زعتر+3 ليمونة معصورة)
كل دة هيضرب بالخلاط
وهيطلع بالشكل دة
وبعدين هنحط فيها قطع الفراخ ونسيبها في الثلاجة يوم تشرب من التتبيلة
وثاني يوم هنطلعها بالتتبيلة ونحطها في صانية فرن ونغطيها بورق فويل وندخلها الفرن تستوي لمدة 1/2 ساعة في الرف اللي في النصف وعلي نار هادئة
وبعد تمام السوا
نحط علي الوش معلقة كاتشب علي الوش ونحطها تاخد لون تحت الشواية
ونكون حاطين علي النار حتة فحمة ولما تسخن جدا وتحمر
هنحطها في وسط الفراخ ونحط عليها 1/2 معلقة ثمن ونغطي عليها
ودة شكلها بعد ما خلصت خالص
انا قدمتها مع ارز بسمتي بالكركم
وبالهنا والشفا
والله ياجماعة جوزي شم ريحتها من وهوا علي السلم وعجبتة جدا
يارب تعجبكم انتوا كمان ومتبخلوش عليا بالردود والتقييم ياقمرات
مواضيع هذا القسم برعاية
omyoyo60 omyoyo60 236397_1.gif فتكات غالية قوي Fatakat 236397 القاهرة – مصر ام الدنيا