السلام عليكم يا احلى مدونة
انا انهرده عملت الفته المصرى من اول العيش لحد الصوص بتاعها
ويارب تعجبكم
انا هنا مش عندى عيش للفته
فأنا بخبزه بنفسى الاول هنقول على طريقه العيش وبعدين ندخل على باقى الاكله
اولا العيش
المقادير
2 كوب دقيق ابيض
1 كوب ماء دافى
معلقه كبيره خميره
رشه ملح ورشه سكر
خلطت العجينه وعجنتها كويس حاولى عشر دقايق
وسبتها تخمر
قطعت العجين وبعد ما ارتاح شويه فردته
ولعت البوتاجاز وشوايه الفرن حطيت الرغيف الاول فى الطاسه وبعدين فى الفرن
شايفين من جوه حلو ازاى وكمان قعر الرغيف
قطعت العيش لقطع صغيره وبعدين جبت زبده وتوم وحطيت فيهم فتافيت العيش ودخلتهم فى صينية يتحمصوا فى الفرن
اللحمه شوحتها الاول فى البصل ومعاها التوابل والملح وبعدين زودتها مايه مغليه
بالنسبة للصوص حمرت توم فى زبده وضفت عليهم معلقه خل او اكتر وبعدين ضفت عصير الطماطم او الصلصه
اول حاجه جبت الطبق اللى هقدم فيه حطيت العيش المتحمص وبعدين ضفت عليه شوربه بزيادة عشان يكون طرى شويه
ضفت كميه رز وبعدين صوص الطماطم من فوق وآخر حاجه اللحمه
الرز عشان سهل ما صورتوش
الطريقه بتشوحى الرز فى الزبدة او زيت
وبعدين تزويده شوربه وتسيبه ياخد غلوه وتوطى عليه النار
ويستوى لحوالي ربع او تلت ساعه
بس دى طريقه الفته وبجد خطييييييره
مواضيع هذا القسم برعاية
دايما ع البال دايما ع البال 1213390_14.gif فتكات ست الكل Fatakat 1213390 مصر – مصر