السلام عليكم ورحمة الله وبركاته
هقولكم علي طريقتي في الفاصوليا الخضرا وبرضه التكة اللي هتخلي الاطفال ياكلوها اصل كان عندي المشكلة دي وولادي بقوا بيطلبوها
المقادير
الفاصوليا الخضرا
طماطم مضروبة في الخلاط
البصل مفروم
التوم مفروم
الشوربة
معلقة سمن او زيت
الطريقة
هنجيب حلة ونحط معلقة السمن وبعدين الفاصوليا الخضرا ولو مجمدة في الفريزر بسيبها تفك واصفيها من المية الزيادة
ونشوحها شوية
وبعدين نضيف البصل ونقلب برضه شويه
وبعدين التوم المفروم واوطي النار خالص واقفل الحلة عشر دقايق كده وهي دي التكة الفاصوليا هتاخد طعم البصل والتوم وتبقي احلي
بعدين اضيف الطماطم والشوربة واسيبها تتسبك وتستوي براحتها خالص
ودوقي احلي فاصوليا خضرا
وطبعا الطعم بيبقي احلي كل لما تستوي اكتر
وبالهنا ياحلوين وقولولي رايكم مواضيع هذا القسم برعاية
ماما داليا ماما داليا 269598_66.gif فتكات غالية قوي Fatakat 269598 المنصوره – مصر